أقوى ست فى «السيدة عيشة»: هلاقيها من عيالى ولاّ البلطجية

طَلّتها لها هيبة، يهابها الرجال ويعملون لها ألف حساب فى سوق السيدة عائشة، وفى نفس الوقت يحترمونها ويلتفّون من حولها لشرب الشاى على «النصبة»، التى تشتهر بها منذ سنوات طويلة.

قوة نور توفيق، الشهيرة بـ«أم أمل»، لم تأتِ مصادفة، بل اكتسبتها من الأيام، فأول يوم نزلت فيه السوق منذ 30 عاماً، كانت خائفة، وخجولة ومترددة: «نزلت غصب، عندى 25 سنة ومعايا عيلين، ولازم أساعد جوزى عامل رخام على قد حاله».

توفى زوجها منذ 5 سنوات، تاركاً لها 5 أبناء، وبين آلام الفراق وقسوة الأيام وأعباء المسئولية، تحوَّلت «نور» إلى «ست قوية»، كما تصف نفسها: «أنا أقوى ست فى العالم، الدنيا قوّتنى ومحدش يقدر عليّا».

تجلس «نور» على كرسى، وتراقب بعينيها أحوال السوق، والجالسين من حولها لشرب الشاى، يحكى لها أحدهم عن مشكلة، فترد بـ«مَعلَمة»، وتنصحه بالصبر والقوة، ويطلب منها آخر دفع الحساب آجلاً، فترد باحترام: «لو مش معاك خلّيها علينا».

فى نهاية اليوم، تفخر «نور» بنفسها، وتشعر بأنها انتصرت على قسوة الحياة: «لما تكون واقف لوحدك فى صحرا، والغول طالع يأكلك، وقتها يا تموّت الغول يا الغول يموّتك، وأنا اختارت أموّته»، وتحكى أنها واجهت كثيراً من البلطجية، وانتصرت فى جميع معاركها: «مفيش بلطجى يقدر عليّا، الأول بتكلم معاه بالعقل، لو ما جابش نتيجة ممكن أهدده، ودائماً بقول اوعى حد يفتكرنى لقمة طرية، علشان واحدة ست وييجى عليّا؟».

سنوات حياتها مرت سريعاً، ولم تشعر بشبابها، لكنها تكون فى غاية السعادة وأصغر من الشباب عندما ترى أبناءها أمامها: «كلهم متعلمين ومتنوّرين، وباحلم بس ربنا يعوض عليّا فيهم وأشوفهم فى أحسن حال، أنا وأى أُم غيرى ننسى شقانا وتعبنا علشان نوصَّل عيالنا لبر الأمان».

• السيدة عائشة
• آلام
• أبناء
• السيدة عيشة
• سوق السيدة عائشة
• نصبة شاي
• السيدة عائشة
• آلام
• أبناء
• السيدة عيشة
• سوق السيدة عائشة
• نصبة شاي