عربة السحور المجانى: «إن خلص الفول أنا مش مسئول»

12:18 ص | الثلاثاء 21 مايو 2019

قبل أيام من بدء شهر رمضان اجتمع «محمد» وعدد من أصدقائه، وفكروا فى طريقة لتقديم الخير خلال الشهر، واستقروا على فكرة توزيع الفول المدمس مجاناً خلال فترة السحور على أهالى قرية ترسا بمحافظة الفيوم، وكانت البداية فى أول يوم رمضان.

تبرع أحد الأهالى بعربة الفول وآخر بمحل صغير لتسويته، بينما كان محمد عبدالحى مسئولاً عن جمع مبلغ 500 جنيه من أصدقائه لشراء الفول ومستلزمات طهيه، مع الاستعانة بصنايعى متخصص لتسويته، حيث يتم تدميس ما يزيد على 25 كيلو فول بشكل يومى: «دى أول مرة ننفذ الفكرة، وخطرت ببالنا بالصدفة لما واحد اقترح إنه ممكن يشارك بالعربية بتاعته المركونة بقالها فترة».

يبدأ توزيع الفول بعد صلاة التراويح مباشرة، على جميع الأهالى، سواء كانوا محتاجين أو قادرين مادياً، فبمجرد أن يمر شخص من أمام العربة يفوز بكيس فول يكفى أفراد أسرته، الفكرة التى ترفع الحرج عن المحتاج، وفقاً لـ«محمد»، صاحب الـ47 عاماً: «بنسأل كل واحد عايز كيس فول يكفى لكام واحد، عشان الكل يستفيد وفى نفس الوقت مايفيضش منه ويترمى، واخترنا الفول لأنه أساسى فى وجبة السحور، وتكلفته مش كبيرة، مقارنة بباقى الوجبات فى رمضان».

لم يقتصر الخير على ذلك، حيث استطاع عبدالحكيم عشعوش التنسيق مع أصحاب المخابز، لتوزيع عدد من أرغفة العيش البلدى مع أكياس الفول، لتكون وجبة كاملة لأفراد الأسرة، يمكن الاعتماد عليها، دون تحمل تكاليف إضافية: «الأفران بتتبرع بـ350 رغيف يومياً كمساعدة للأهالى، دا غير اللى بيحب يشارك بمبالغ مادية، وكل الناس حبت الفكرة عشان مختلفة».