صورة أرشيفية
يستغل محبو الأعمال الخيرية العشر الأوائل من ذى الحجة للإكثار من فعل الخير، وهو ما فعلته نادية مصطفى، صاحبة محل للمفروشات، بتقديم جزء من بضاعتها مجاناً للعرايس الأيتام، بمناسبة عيد الأضحى.
تمتلك «نادية» محلاً صغيراً فى منطقة صفط اللبن، تبيع فيه المفروشات الخاصة بالمنزل، وما أن بدأ العد التنازلى لعيد الأضحى، حتى قدمت أعداداً كبيرة من هذه المفروشات مجاناً لجيرانها وأقاربها، كما أنها تبيع بأسعار رخيصة مقارنةً بمحال المفروشات الشهيرة، لمساعدة المقبلات على الزواج، بأسعار تتراوح بين 120 و180 جنيهاً بالنسبة للمفروشات الخاصة بالسرير: «الأسعار غالية على الناس وفيه بيوت بتجهز بالدين عشان الأب ميت، بحاول أساعد فى ستر البنات علشان تقدر تتجوز»، ويستمر هذا العرض المجانى حتى انتهاء العيد.
«اللى خلانى أقدم المفروشات بالمجان للعرايس الأيتام واحدة من جيرانى فرحها قرب والجوازة باظت علشان كان ناقصها حاجات وأبوها متوفى وقلبى وجعنى عليها ومن وقتها قلت هساعد باللى عندى».. بحسب «نادية»، التى تحرص على ترك الفرصة للعرائس لاختيار المفروشات وفقاً لأذواقهن: «أى حاجة بس بكميات محدودة علشان أقدر أكفى أكبر عدد من العرايس اللى لسه ماجهزوش نفسهم»، كما يُعرف عنها حسن التعامل مع المشترين: «عندى نظام تقسيط مريح ومن غير مقدم».
تعليقات الفيسبوك