عمرو دياب
بعد الانتشار الكبير لأغنية "يوم تلات" على مواقع التواصل الاجتماعي، تصدر الهضبة عمرو دياب "تريند" موقع التواصل الاجتماعي "تويتر"، صباح اليوم، في أول يوم ثلاثاء بعد طرح الأغنية.
وبشكل تلقائي ربط نشطاء موقع "تويتر" بين يوم الثلاثاء وعمرو دياب، وجاءت التعليقات بين السخرية والاحتفال بيوم "التلات"، ومنها:
علق "حمادة"، "ربنا يجعل تلاتنا زي تلات عمرو دياب".
وكتب حساب باسم "أحمد": "التلات بتاعنا غير تلات عمرو دياب".
فيما علق حساب باسم "أبو أنس": "هو يوم التلات ده يوم ملوش لزمة، بس بقى ليه لزمة عند ناس كتير بعد ما غناله عمرو دياب".
وكتب صاحب حساب باسم "رامي": "الذكرى الأسبوعية ليوم التلات، أعاده الله علينا وعليكم بالخير واليمن والبركات".
فيما وقالت صاحبة حساب باسم "داليا": "النهاردة التلات وأنا عايزاه زي التلات بتاع عمرو دياب".
بينما علق صاحب حساب "محمد": "حد يستدعي لنا الأستاذ عمرو دياب يجي يشوف لنا التلات مهنج ليه".
أغنية "يوم تلات" من كلمات تامر حسين وألحان عزيز الشافعي، ومن توزيع أسامة الهندي.
وكلمات الأغنية كالتالي:
"يوم تلات تلات بنات ندهوني، عالبُساط بَسط يا ناس عجبوني قاعدة وانبساط غداء وعزموني، فتفتوا الفتافيت وفَتنوني.. شكلها مؤامرة أعشق السمراء ولا أعشق البيضاء أُم الخدود حمراء الحياة حلوة ويا أُم روح حلوة كلهم حلوين جننوني.. كل ما أجي أقوم أقول خليني منتهى الجمال جُمال على عيني أمشي من المكان ده إيه يمشيني لمة الحلوين بتغريني.. شعرهم حرير يطير قدامي صعب أشوف ده غير غير في أحلامي، سحرهم خطير يوصف إيه كلامي يوم تلات وبكل أيامي.. كل عود وعود أحلى من التاني، قلبي لم يعود ليا من تاني، كان في إيدي عود قولت بيه أغاني والصباح رباح ياللي عاجباني.. كلمة كلمتين الليل قوام ليّل عيشنا يوم جميل أحلى ما أتخيل، واحدة واحدة عليا بتميل لو هعيش عمري هنا قليل".
تعليقات الفيسبوك