ذكريات الطفولة في هاشتاج "أنا وأنا صغير كنت"
كثيرا منا يتمنى العودة للصغر حيث كنا أطفالا دون مسئوليات أو عمل أو التزام بشيء معين، وعندما نتذكر هذه الأيام بعد الكبر تنتابنا السعادة ونتمنى عودة الزمان يوما، وفي محاولة للحديث عن ذكريات الطفولة، دشن رواد "تويتر" هاشتاج "أنا وأنا صغير كنت" ليتصدر قائمة موقع التغريدات القصير.
امتلأ الهاشتاج بالعديد من التعليقات التي عبرت عن حبها لزمن الطفولة، وماكانوا يفعلونه بها من ألعاب وتجمعات وسردوا العديد من المواقف والعادات التي كانوا يحرصون على القيام بها، كما لم يخلى "أنا وأنا صغير كنت" من الكوميكسات الساخرة، والتي جاءت جميعا كالتالي:
- أنا بلا فخر كنت فاكر إن المكرونه بتتزرع.
- برش بمسدس المياه عالناس اللي ماشية في الشارع .
- أجمع كل المخدات لما أبقي لوحدي وأعمل بيها بيت.
- أعمل نفسي نايم عند قرايبنا عشان يرضوا يخلوني أبات عندهم ونلعب سوا.
- أمسح شرايط الكاست وأسجل أغاني من التلفزيون.
- بعمل مصيبة والزقها في أخويا كبير أو صغير..ويضربو واضحك.
- عايز أكبر وياريتني ماكبرت.
- كنا ملوك البلي والكرة الشراب والسبع شقفات.
- بلف الملوخية وأشربها سجاير.. كنت مشاغب العيلة.
- كنت وأنا صغير همي أحوش من مصروفي علشان أشتري كورة وأيام الدراسة أشتري طقم أقلام واحد جاف والتاني قلم رصاص أسنان وكنت كل يوم أروح أطمن إنهم في الڤاترينه.
- بشوف الحياة مثالية ببراءة الأطفال ولما كبرت النظرة دي اتغيرت تماما لما اتصدمت بالواقع.
- كنت بعشق توم وجيري ولحد دلوقتي لو بقى عندي 100 سنة هتفرج عليه.
- كنت رئيس إدارة الباك الشمال في الملاعب المصرية بس كبرت وشربت سجاير.. وبطلت كورة شغفي الأول والأخير اختاروا أصحابكم يا جماعة.
وسخر أحد المغردين قائلا: "وأنا صغير كنت طفل"
- وأنا صغير كنت فاكر إن اللي بيكلموا نفسهم في الشارع دول مجانين.. طلعوا متجوزين.
تعليقات الفيسبوك