بريد الوطن| شَمع
بريد الوطن| شَمع
شمع دايماً يتحرق
المهم الغير يضىء
مهما روحه بتتسرق
هوّا نورك عَ الطريق
مش مهم الروح تروح
هو عاينك للجراح
بس يوم مـا احتاج لـ«نوح»
كنت غَرَقُه، بِشمعُه راح
مش جزاء الحُب تَرْك
أو قصاد ما شَراك تسيب!!!
ف اختبار الدنيا تعرف
مين غريمك! مين حبيب!
كنت دايماً تتسند
ياما كات راحتك عليه
لما يوم فاكر وقعت
كانوا شايلينك إيديه
لما كان مادد إيديه
مافتكرتش مِن ضياه
غير يا دوبك طَفْيتين
لما صوته ضاع صداه
محمد خميس الحاوى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
