الباز عن الدروس الخصوصية: "المدرس بقى زي الراجل اللي بيبيع فول وطعمية"
الدكتور فاروق الباز
انتقد العالم المصري الدكتور فاروق الباز، الدروس الخصوصية، واصفًا إياها بالمصيبة والإهانة للمعلم، قائلا: "ده مش معلم، ده بيشتغل عندي، بياخد فلوس عشان يعرف الطلبة إزاي ينجحوا في الامتحان".
وأضاف الباز، خلال لقائه مع الإعلامي أحمد مجدي ببرنامج "فنجان قهوة"، المذاع على فضائية "صدى البلد"، أنه عندما كان يدرس في المرحلة الثانوية، كان المدرسين عظماء وعندما كان طالبا ويقف مع بعض من زملائه في الشارع ويجد مدرس قادم من بعيد يسكت الجميع احتراما للمدرس حتى يغيب عن أنظارهم: "مكنش يصح يسمع صوتنا في الشارع".
وتابع العالم المصري الدكتور فاروق الباز قائلا: "مدرسونا كانوا عظماء وكان مدرس الأحياء يجعلني أقوم بتشريح أسماك أو ضفادع أمام زملائي في الفصل".
وأردف: "المعلم بقى زي الراجل اللي بيبع الفول والطعمية ويعدي على البيت يبيع ويمشي"، مشددًا على ضرورة دراسة الأسباب التي أدت إلى انتشار ظاهرة الدروس الخصوصية.
وواصل: "المعلم والمعلمة أرقى ناس في البلد، المفروض ياخدوا أحسن مرتب، يكونوا متعلمين صح، مش زي كلية المعلمين، دي بتاخد أي حد، ودول أقل ناس خبرة وقيمة، كده هنروح في ستين داهية".