حلوى مولد «دايت» لمرضى السكر والضغط
«كُل حلاوة كيتو وانقذ وزنك»، شعار رفعه الكثير من محال بيع حلوى المولد هذا العام، فعلى غير العادة، اهتم بعض مصنعى الحلوى بأصحاب أنظمة «الدايت»، ووفّروا لهم أصنافاً بسعرات قليلة تناسبهم وتناسب مرضى السكر والضغط أيضاً.
حنان سعيد، صاحبة منفذ بيع فى مدينة العبور، تقدم حلوى تراعى أصحاب الوزن الزائد: «بدأت الفكرة من سنتين ونص، فيه ناس كتير بتحب تاكل فى الموسم، وتحلى بُقها، وماتقطعش عادة اتعودت عليها، فباحاول أوفر ليهم أكلات تكون مناسبة ليهم». ورغم احتواء المكسرات على بعض الزيوت، إلا إنها لا تسبّب زيادة فى الوزن حسب «حنان».
وتقدم خدمة توصيل فى نطاق محافظتى القاهرة والجيزة: «الناس بقى عندها وعى، وبتتجه للأكل الصحى المفيد لهم ولجسم أولادهم، أنا باراهن أن حد ياكل قطعة حلاوة مصنوعة من سكر الدايت ويقيس السكر بعدها ويلاقيه عالى، استحالة». يصل سعر الكيلو من الحلوى الدايت إلى 160 جنيهاً.
الفكرة نفسها قدّمها أحمد عبدالجليل، صاحب محل بيع حلوى المولد فى مدينة طنطا، والذى لاحظ إقبالاً كبيراً من الزبائن هذا العام على شراء الحلوى الدايت: «الفكرة منتشرة الموسم ده، فيه ناس كتير بتكون حابة إنها تاكل حلاوة بس التّخن هو اللى بيكون عائق بالنسبة ليهم».
تعليقات الفيسبوك