عمود إنارة مكشوف أمام مدرسة السيدة خديجة
حالة من القلق يعيشها أولياء أمور مدرسة «السيدة خديجة الابتدائية» بالمقطم، بسبب وجود أسلاك كهربائية مكشوفة متدلاة من أعمدة إنارة تحيط ببوابات المدرسة، الأمر الذى جعل إدارة المدرسة تتحرك وتحاول حل المشكلة بأكثر من طريقة خاصة مع اقتراب فصل الشتاء؛ تارة تسد فتحات الأعمدة الكهربائية بأفرخ كرتونية كبيرة، وأخرى يبلغون الحى، ومع ذلك ما زال الخطر قائماً فى حال سقوط أمطار.
عبدالرازق المغربى، وكيل المدرسة، يصف الوضع بـ«المخيف»، مؤكداً أن المدرسة تحاول إصلاحه منذ بداية الفصل الدراسى: «إحنا كل يوم بنشوف الأسلاك دى بنحاول نلاقى حل، عملنا مذكرة من إدارة المدرسة وقدمناها للحى ومع ذلك محدش اتحرك، إحنا مش هنقف نتفرج لحد ما تحصل كارثة، وطفل يحصل له حاجة، بنحاول نوفر سبل السلامة اللى نقدر من خلالها نحافظ على سلامة طلابنا».
ويروى «المغربى» أنهم المدرسة الوحيدة بالمنطقة التى تحاوطها الأسلاك بهذه الطريقة: «إحنا حاولنا نغطى الأماكن المكشوفة بالكارتون لكن بيتشال بعد فترة، إحنا مش متخصصين فى الكهرباء عشان نقدر نصلحها ومع ذلك حاولنا نحل المشكلة». وبحسب «المغربى» فإنهم قدموا مذكرة للحى منذ شهر: «ده خطر وإحنا خايفين على أرواح أطفالنا الأبرياء، مش لازم تحصل كارثة وبعد كده نتحرك».
حالة الخوف انتقلت إلى أولياء الأمور بعد أن نشر «المغربى» صور الأعمدة المكشوفة على الـ«فيس بوك»، لطلب الاستغاثة وعلق أحدهم: «إحنا مستغربين من تأخر الاستجابة حتى الآن خاصة إن الحى مش بعيد عن المدرسة، كل اللى عاوزينه تدخل سريع».
تعليقات الفيسبوك