معرض الكتاب الدائم فى شارع المعز
يستعد الطلاب، بمختلف المراحل التعليمية، لخوض ماراثون امتحانات نصف العام، بتنظيم أوقاتهم بين الدروس والمذاكرة، وهذا ما أثر على نسبة الزيارات داخل معرض الكتاب الدائم فى شارع المعز، الذى أقامته جمعية الفدا، منذ عام، لتشجيع الشباب على القراءة، ولكن شهد فى الأيام الأخيرة انخفاض الزيارات لدرجة كبيرة.
يضم المعرض مئات الكتب فى مجالات متعددة، ويفتتح أبوابه من العاشرة صباحاً ويغلق عند التاسعة مساءً، ورغم أنه يتوسط شارع المعز، ويقدم عروض تخفيض كبيرة تتراوح بين 50% و70% أحياناً، فإن الإقبال عليه محدود للغاية: «بيدخل لنا شباب ومنهم طلبة كتير، لكن اليومين دول مفيش حد خالص بنقول يمكن عشان الامتحانات، ويادوب وقت للمذاكرة رغم إننا عاملين عروض كبيرة الفترة دى عشان منتعرضش لخسارة»، حسب عبدالله شلبى، مسئول المعرض، الذى يقدم تسهيلات كثيرة منها استعارة الكتب بصورة ضوئية من بطاقة الرقم القومى ورقم التليفون فقط لسهولة التواصل، ويشترط على المستعيرين زمناً محدداً لاسترجاع الكتب: «نفسى بس يقرأوا لو واحد من الشباب جه وجاب صحابه وكل واحد أخد كتاب هينعش المعرض».
يوفر المعرض أيضاً أماكن لاستقبال الزوار للتصفح والقراءة بداخله، خاصة أنه يتمتع بالهدوء طوال الوقت، لوجوده داخل أحد المبانى الأثرية المفتوحة المطلة على الشارع مباشرة: «فى أوقات الامتحانات بنبقى عارفين إن اللى هيدخل آخره يبص على الكتب ياخد فكرة عن المعروض لكن بيفضل وقته يكون للمذاكرة وبعد الامتحانات الزيارات بتبقى أحسن ولكن مش زى زمان لأن فيه شباب مابقاش ليه فى القراءة».
تعليقات الفيسبوك