سمية الألفي تتأثر في حديثها عن الفيشاوي: لسه موجود معانا بروحه

بدت الفنانة سمية الألفي، طليقة الفنان الراحل فاروق الفيشاوي، متأثرة أثناء حديثها عن الراحل في ذكرى عيد ميلاده، حيث يتزامن اليوم الأربعاء مع ذكرى ميلاد النجم الراحل فاروق الفيشاوي، الذي يعد أحد أهم نجوم الفن المصري، والموافق 5 فبراير.

وقالت "الألفي"، خلال مداخلة هاتفية في برنامج "من مصر"، الذي يُعرض على شاشة "CBC"، مع الإعلامي عمرو خليل: "كنا بنحتفل باليوم ده زمان، بصراحة أنا بحس إن فاروق ماسبناش، حاسة إنه لسه موجود معانا بروحه وبكل الطاقات الإيجابية اللي سايبها جوانا وجوه أولاده وأصدقائه، وجوه كل الناس اللي بتحبه".

وأضافت سمية الألفي أن فاروق الفيشاوي كان إنسانًا جميلًا وبسيطًا "مكنش بيفتكر يوم عيد ميلاده، إحنا اللي كنا بنفكره، وبنقوله إن ده يوم مهم في حياته، وبنتجمع فيه أنا وولادي وأصحابه، مش بيكون عاوز يحتفل بيه، بس إحنا بنقوله مش بمزاجك، لازم تستقبلنا وتستقبل أصحابك وهنجيلك بالتورتة".

وتابعت: "ده حد كريم وصاحب واجب وكان يعشق الناس وبيحب كل اللي حواليه، وكان دايما يعتز بكل اللي موجودين حواليه".

• فاروق الفيشاوي
• سمية الألفي
• عيد ميلاد فاروق الفيشاوي
• من مصر
• عمرو خليل
• فاروق الفيشاوي
• سمية الألفي
• عيد ميلاد فاروق الفيشاوي
• من مصر
• عمرو خليل