لقاء الخميسي عن حفل حسن شاكوش: مش مع وقف مغني خد تصريح قبل كده
لقاء الخميسي
نشرت الفنانة لقاء الخميسي، عبر حسابها الشخصي على موقع تبادل الصور والفيديوهات إنستجرام، معلقة على إقامة حفل لمغني المهرجانات حسن شاكوش في استاد القاهرة في عيد الحب.
وقالت "الخميسي": "أول مرة أتكلم وأقول رأيي المتواضع في أي حاجة بتحصل.. الدنيا قايمة على موضوع شاكوش والأغنية والحفلة اللي في الاستاد وعيد الحب.. أنا مش مع وقف مغني خد تصريح قبل كده من الرقابة وبيقدم لون شعبي وليه جمهور عريض.. بالعكس أنا مع احتضانه والاتفاق معاه بإنه يختار كلمات الأغنية بعناية طالما أنا عندي يقين إنه ممكن يفيد البلد في تقويم الجمهور.. قصدي نلعبها بصياعة ويبقى بيقدم فنه بس بكلام متنقي وشعبي وسهل برده".
وأضافت "الاستاد دا مكان مهم جدا.. حرم كروي إذا أي حفلة بتتقدم فيه لازم تبقى على قدر وضعه لأنه كمان الحفل بيتعرض على الهوا.. وأنا مش شايفة من رأيي أن الحفل أساسا مكانها الاستاد بس إذا افترضنا أن مفيش غيره، يبقى لازم ننتقي المغنيين والفنانين بقى.. حفلة معروضة على الهوا لشعب كامل يبقى أنا اللي اختار واجهة للعالم وللشعب".
وتابعت الخميسي: "مغني مصري ناجح في بلده وناجح عالميا مش مغني مهرجانات لأنه دا لون من ألوان الغناء لكنه مش واجهة الفن المصري الأصيل اللي اترسمله شخصية من سنين السنين.. فكرة الاختيار والتوقيت والمكان.. هو دا الصح لكن تمنع مغني ليه جمهور يغني أنا مش شايفة أن دا حل.. الحل هو الاحتضان وأنه يتوجه صح طالما ليه جمهور عريض وممكن نستفيد منه".