رامي جمال عن كورونا: "بلاش تجمعات علشان مانندمش في الأخر"

قدم الفنان رامي جمال، عدة نصائح لمتابعيه، عبر مواقع التواصل الاجتماعي، للوقاية من فيروس كورونا المستجد. 

وكتب رامي، عبر حسابه الشخصي على موقع التواصل الاجتماعي "فيس بوك": "تعالو نتكلم جد شويه أولا أنا متفائل جدًا إننا لو عملنا التعليمات اللي الدول اللي سبقتنا عملوها من حظر منزلي ونظافة وتعقيم والله هنفوت مرحله الخطر، وأنا مش مع الخوف المبالغ فيه".

وأضاف: "بس أنا مع الحرص المبالغ فيه في مرحلة زي دي إحنا شعب بيبان معدنه وحضارته في وقت زي ده بلاش تجمعات بلاش علشان منندمش في وقت متأخر".

وناشد رامي جمال، بمراعاة مشاعر كبار السن وأصحاب الأمراض المزمنة المناعية، وكتب: "ياريت نراعي مشاعر كبار السن وأصحاب الأمراض المزمنة والمناعية اللي عمالين نطمن بعض إن هما اللي في خطر والباقي في أمان الكلمة الحلوة صدقة والمعلومة الطبية تتقال بذكاء علشان منزودش قلقهم". 

وأتم: "أخيرا بإذن ربنا الأطفال والشباب مفيش خوف عليهم الخوف منهم لأن منظمة الصحة والأرقام بتقول كده يبقى ياريت نبقى عارفين إننا ممكن نبقى سبب في عدوى لناس بنحبهم وممكن بتجنب الاختلاط والبوس والأحضان والخروج لفترة ننجيهم من خطر ممكن نندم عليه باقي عمرنا وأخيرا ربنا هيحفظنا والله ده يقيني في ربنا بس نعمل اللي علينا مش لازم نستنى أنا يتفرض أنا براهن على ذكاء المصريين وحبهم لبلدهم".