مصرية قادمة من الخارج: اللي بيقول إن زجاجة الماء بفلوس في الحجر "كداب"
عمليات التعقيم ضد فيروس كورونا
قالت الدكتورة إيمان بيبرس، المصرية العائدة من بريطانيا، داخل الحجر الصحي في فندق المريديان بالمطار، إنه تم إبلاغها في لندن بشرط الحجر الصحي الإلزامي "قالولنا عن الحجر في بريطانيا، وكان في كلام عن مبلغ 900 جنيه في اليوم على الطيارة بس مش من مسؤلين".
وأضافت بيبرس: "لما نزلنا من الطيارة كل 10 اتحرك معاهم ظابط أو أمين شرطة، ولكن حدث التزاحم عند الفندق والهرج والمرج، وقلة أدب من الشباب وتجاوز.. وقعدنا ساعة ونص لخبطة بسبب الناس، وفي شباب تجاوزوا في حق قوات الشرطة وعميد شرطة ولكن كان في ضبط نفس ومحدش رد عليهم".
وأكدت بيبرس على أنها لم تدفع أي أموال فور وصولها للفندق: "جيت طلعت الفيزا قالولنا مفيش فلوس هتندفع ومش هتدفعوا فلوس.. الفندق قال مفيش فلوس ووصلت الأوضة كبيرة وواسعة، ويتم متابعتنا من قبل الفرق الطبية، وكل 3 أيام يتم عمل مسح زور للتأكد من سلامتنا من الكورونا".
واستكملت أن البعض اشتكى من الوجبات أنها كانت بها ساندوتشات لانشون به زيتون ولحمة، "الناس افتكروها بايظة"، مؤكدة: "الأوضة حلوة وفيها تلفزيون وبيقدمولنا 3 وجبات وكاتل للمشروبات".
وتابعت: "باخد 3 أزايز مياه في اليوم واللي بيقول إزازة الميه بـ30 جنيه كداب".