رامي فايز: أكل العزل الصحي للعائدين من الخارج بمرسى علم "مشوي ومسلوق"
بعد فتلاة العزل الصحي "مصر للطيران" ستنقل المواطنين لمطار القاهرة
العائدين من الخارج بمرسى علم
قال رامي فايز مالك الفندق المضيف للمصريين العائدين من واشنطن، والمقيمين في العزل الصحي بمرسى علم، إن المقيمين بالفندق يأكلون المشويات والمسلوق بشكل إجباري طبقا للإجراءات الطبية وتوجيهات وزارة الصحة.
وأوضح "فايز" أنه يجري توفير وجبات "صيامي" للمسيحيين: "المقيم عندنا قاعد في بيته، لا يوجد أي اختلاط، كل واحد معزول في أوضته".
وأضاف فايز، خلال مداخلة هاتفية مع الإعلامي أحمد موسى، ببرنامج "على مسؤوليتي"، المذاع على شاشة "صدى البلد": "شوفنا اللي حصل والإهانة لبلدنا، وعلشان كده قررت أقف استقبل اللي جايين من أمريكا بنفسي.. مفيش هزار في الموضوع ده.. ومفيش هزار في المرحلة دي".
وأكد "فايز" أن الإقامة في فنادق مرسى علم للقادمين من الخارج مجانا بالكامل: "الناس اللي جت دي عرفت قيمة الباسبور المصري، القيادة السياسية اختارت مرسى علم حفاظا على صحة المواطنين القادمين من الخارج، وحفاظا على المواطنين المصريين في الداخل".
وشدد: "مش همشي من فندقي أنا والعاملين غير بعد آخر واحد يمشي من مرسى علم لمطار القاهرة بالمجان".
وأوضح "فايز" أنه بعد انتهاء الـ14 يوما للعزل الصحي، مصر للطيران ستنقل المواطنين لمطار القاهرة، ومنه يتحركون لمنازلهم.