شوقي: مراجعة "الثالث الثانوي" على المكتبة الرقمية والقنوات التعليمية
الدكتور طارق شوقي
قال الدكتور طارق شوقي، وزير التربية والتعليم والتعليم الفني، إن المعلم يظل هو القدوة والعصب الأساسي للتعليم ونثق فيهم.
وأضاف خلال مداخلة هاتفية ببرنامج "من مصر" الذي تقدمه الإعلامية ريهام إبراهيم على شاشة "cbc": "أحد المعلمين المصريين في الشرقية عمل فيديو بنفسه بيشرح فيه للطلاب يعملوا إيه، ومن إعجابي نشرته على صفحتي، عشان الناس تشوفه".
وتابع: "المعلمين هما اللي هيساعدوا الأولاد ولو الأهالي يطمئنوا إن عندنا معلمين هايلين والنظام الجديد حررهم من قيوده، وبيعملوا وإحنا محافظين على صحتهم وهما في البيت".
وأكد أن الدولة وفرت من مرحلة الحضانة حتى الصف الثاني الثانوي حلول بديلة أقل قسوة وضغط، و"مفيش أي سبب يخليهم يدفعوا جنيه واحد، والثانوية العامة بالتحديد اللي هي مصيرية وعشان نحميهم من دخول السناتر وقفنا المنهج لحد يوم 15 مارس، وبالتالي هيمتحنوا في اللي خدوه".
واستطرد: "أعلنا عن إن المراجعات ستكون بجدول يومي من المرحلة الإعدادية حتى الصف الثالث الثانوي طوال النهار بيراجعوا على الهواء مع القنوات التعليمية على التليفزيون، ومفيش حاجة للخروج من البيت، والمكتبة الرقمية فيها مناهج من هذه السنوات، ومش محتاجين يطلعوا من البيت ولا ياخدوا دروس".