طليقة محمد شومان تطالب بإجراءات قانونية للتبرأ منه: لو مكانه انتحر

09:08 م | الاثنين 13 أبريل 2020

طالبت شيرين هلال، طليقة الهارب محمد شومان، بمساندتها هي وأولاده للتبرأ منه، وقالت: "أرجوكم اسندونا في التبرأ منه بقضية واضحة وبينة بإجراءات قانونية، ومش عاوزين حد يلعب بينا عاوزين الدولة تتكفل بده إكراما للي قومت بيه أنا وأم البنات وطلعنا نشأ محترم يفيد البلد واتعلموا تعليم محترم".

وأوضحت أنها تعرفت على طليقها بالجامعة قبل "الزواج الفاشل" منه، وأضافت "كنا في كلية تجارة وكان يكبرني بـ5 سنين، وكان بيسقط، وتم الزواج وكان زواج فاشل لأبعد حد، واتحذرت من أهلي، ودفعت التمن بعد 30 سنة، وأبويا كان بيبكي يوم الخطوبة وابني بيدفع تمن فشل أبوه".

وأضافت شيرين، خلال مداخلة هاتفية مع الإعلامي أحمد موسى، ببرنامج "على مسؤليتي"، المذاع على شاشة "صدى البلد"، اليوم، "الخير اللي هو فيه ده من كلامه على مصر، ولما تركيا هترميه، ومش هيلاقي بلد تستقبله، أنا وأسرتي وأسرته الثانية هنحتفل بتكريم مصر لينا".

وتابعت هلال: "لا صرف على ابني وكان شايف إني ست كافرة وإني أدخل ابني مدرسة فرنسية، ومدفعش حضانة ونفقة".

واستكملت هلال: "اللي يبيع بلده ويمشي يبقى غبي، وما استغربتش لما سافر وراح تركيا، قولنا مشي وخلاص ومكنتش أتوقع أنه يرجع ينطلنا في حياتنا، بس جت على دماغه، وبعد فيديو تبرأ بنته منه أنا لو كنت مكانه انتحر".

ووجهت هلال رسالة لطليقها الهارب في تركيا: "كومبارس فاشل.. شكرا ليك وهنشوف فيك أيام لطيفة جدا".