مبتكر قناع واقٍ للأطباء: سنوزع الأسبوع المقبل 200 ألف قطعة
مبتكر قناع واقٍ للأطباء: سنوزع الأسبوع المقبل 200 ألف قطعة
قال الدكتور أحمد محمود المناوي، مؤسس ومدير مختبر المحاكاة الافتراضية للمنظار واكتساب المهارات بقصر العيني، إن فكرة إنتاج أقنعة واقية من الرذاذ لحماية الأطباء من الفيروسات أثناء العمل لم تكن وليدة الصدفة وتم التفكير بها بكل جدية.
وأضاف خلال مداخلة هاتفية ببرنامج "مصر تستطيع" الذي يقدمه الإعلامي أحمد فايق على شاشة "dmc": "أما بفكر في حاجة بفكر بجدية، وزعلت أما لقيت بعض مديري المستشفيات رفضوا ياخدوا القناع أما اتقالهم دا مفتوح من فوق وبقولهم الفيروس مش هييجي من الجنب ولا من تحت، وعملناه مفتوح من فوق عشان نمنع غبار الماء، وبنعمل على تطوير الاحتياجات الفعلية للأطباء ومش بعمل حاجة تتحط في المخازن واتكسب منها وبديهم مجانا للناس، وليه مستشفيات تروح تدفع مبالغ طائلة في حاجة موجودة بالفعل وتوزع بالمجان".
وتابع: "المبادرة تمت من أصدقاء أعزاء ساعدوني إننا نوصل المنتج دا لـ 15 ألف شخص، والأسبوع المقبل السيدة هبة السويدي هتدخل معانا عشان نوزع 200 ألف واقي آخر، وكل دا عشان المصريين".
