نور عن مسلسل البرنس: مبسوطة جدا بالتحدي ده وبالدور ده ويارب يعجبكم
نور عن مسلسل البرنس: مبسوطة جدا بالتحدي ده وبالدور ده ويارب يعجبكم
عرض الإعلامي رامي رضوان فيديو للفنانة نور تتحدث فيه عن مشاركتها في مسلسل "البرنس"، وذلك في حلقة الخميس من برنامج "مساء dmc" المذاع عبر فضائية "dmc".
وقالت نور: "مساء الخير على كل مشاهدي dmc ورمضان كريم وكل سنة وإنتم طيبين ويارب شهر رمضان يعود عليكم بالخير والبركة وأهم حاجة إن كلنا وعائلتنا نبقى بصحة كويسة ونخلص من الوباء العالمي اللي مقعدنا في بيوتنا ومخلينا خايفين ورمضان كريم ويارب كل الخير والبركة على الجميع".
وأضافت: "أنا حابة أتكلم عن مسلسل البرنس وكواليس مسلسل البرنس ويارب يعجبكم المسلسل ده، بقدم فيه دور علا، وأول مرة أقدم دور من منطقة شعبية، وأنا مبسوطة جدا بالتحدي ده وبالدور ده ويارب يعجبكم".
وتابع: "علا شخصية حقيقية قوي، والبناء الدرامي في الشخصية حلو جدا وفيها الغضب والرومانسية والحب والجدعنة وفيها مشاعر متضاربة، ويارب المهم يعجبكم المسلسل وأنا كنت مبسوطة لأن دي تاني مرة أشتغل مع محمد سامي، وأول مرة أشتغل مع محمد رمضان، ومبسوطة بالتعاون ده، ومع أسرة المسلسل: أحمد زاهر ودنيا عبدالعزيز وروجينا وإدوارد وأحمد داش، وخايفة أنسى حد".
وأثنت نور على المسلسل وتمنت أن يصل المسلسل للجمهور، مؤكدة أنهم صوروا المسلسل في عدد كبير من ساعات التصوير، وأن كواليس المسلسل كانت طيبة: "كل واحد ممكن يتفرج يلاقي حاجة ممكن تلمسه في المسلسل وتخصه هو".
