ترزي ديليفري لسكان مصر الجديدة: التعقيم قبل التفصيل

12:52 ص | السبت 25 أبريل 2020

«خليكم فى البيت، وهنيجى لحد عندكم»، خدمة أعلن عنها صاحب محل تفصيل ملابس «ترزى»، بمنطقة مصر الجديدة، من خلال إرسال بعض المتخصّصين فى التفصيل إلى منازل سكان المنطقة، لأخذ المقاسات والاتفاق على التصميم، دون فرض رسوم إضافية.

لجأ إبراهيم عوض، صاحب المحل، إلى هذه الحيلة، للحد من التزاحم داخل المحل، بعد فرض حظر التجول مؤخراً: «قررت أشتغل بضوابط معينة، بدل ما أقفل المحل خالص، خصوصاً أن الناس خايفة تنزل من البيت، علشان عدوى الفيروس، بمعنى أصح قُلت أستفيد مادياً، وأساعد ناس كتير عايزين يشتروا هدوم أو يفصّلوا، ومش عارفين يتصرّفوا، فى ظل الأزمة اللى عايشينها».

فاجأ «إبراهيم» زبائنه بإعلان «ترزى ديليفرى مجاناً»، على صفحته بموقع التواصل الاجتماعى «فيس بوك»، بعدها بدأ تلقى طلباتهم، بعضهم يعرفهم شخصياً، وآخرون يتعامل معهم لأول مرة: «فى الأول الموضوع كان صعب، والناس كانوا خايفين حد يدخل البيت علشان إجراءات التعقيم»، مشيراً إلى أنه يقوم بتعقيم نفسه جيداً قبل زيارة زبائنه بالمنزل: «باغسل إيدى كويس جداً مش أقل من 20 ثانية، وأتعقم بالكحول كويس قبل وبعد زياراتهم فى البيت».

كما يقوم «إبراهيم» بتعقيم الأدوات التى يستخدمها فى التفصيل: «كل الأدوات باعقهما فى المحل، وقدام الزبون، علشان يطمن ومايخافش»، حيث يبدأ الزيارات المنزلية من 10 صباحاً، حتى 7 مساءً، حتى لا يخرق ميعاد الحظر: «مش باقعد عند الزبون أكتر من ساعتين، علشان ألحق أروح لغيره، وبمجرد ما 7 تيجى أمشى»