حمودة عن غنائه مع الراقصات: "فرحانين بيا.. وبروح ألاقيهم على المسرح"
الفنان الشعبي عبد الباسط حمودة
واجهت المخرجة إيناس الدغيدي، الفنان الشعبي عبدالباسط حمودة، بمقطع فيديو، أثناء غنائه وراء راقصات في أحد الأفراح الشعبية، وذلك بعد تصريحات حمودة، بأنه لا يغني خلف الراقصات، وذلك خلال برنامج "شيخ الحارة والجريئة"، الذي يُعرض على شاشة "القاهرة والناس".
ورد "حمودة"، بأن هذا الفيديو، كان لأحد الأفراح الشعبية في دمنهور، وكل الراقصات فيه، كانوا يبدون سعادتهم للغاية بأن عبد الباسط حمودة سيؤدي نمرة في هذا الفرح، "كانوا كلهم فرحانين إن فيه نمرة كبيرة جاية، عشان كده قعدوا يرقصوا قدامي عشان يظهروا"، ضاحكًا: "أنا من الدرب الأحمر وبحب الناس بتوع دمنهور".
وتابع: "بروح بفرقتي نمرة، بروح ألاقي دول موجودين على المسرح، رقاصات إيه اللي أغني وراهم، صلي على النبي، الراقصات دول بيبقوا موجودين في الفرح، وأنا بكون رايح نمرة، بروح ألاقيهم على المسرح"، مؤكدا أنه لا يملك حق رفض وجود الراقصات على المسرح أثناء أدائه نمرته، "ممكن صاحب الفرح يقولي فيه إيه يعني، أنا جايبك بفلوسي".