مروان خوري: كورونا جمع الحكومة والشعب اللبناني على كلمة واحدة لأول مرة
الفنان مروان خوري
قال الفنان مروان خوري، إن الأوضاع في بيروت جيدة في ظل كورونا، ولأول مرة يتفق الشعب مع الدولة في شيء واحد.
وأضاف خلال مداخلة هاتفية ببرنامج "كل يوم" الذي يقدمه الإعلامي خالد أبو بكر على شاشة "إكسترا نيوز": "عملت أغنية احتراما وتقديرا للفرق الطبية والأطباء، ومفيش شك تعاطفنا مع الأطباء والجيش الأبيض لأنهم على الخط الأمامي، وهو أقل ما يمكن كفنان إني أقدمه، والفنان قدرته تعبيرية في الأساس ولو بدقيقة واحدة بيكون حلو وبشكر لافرق الطبية إنهم هما اللي في مواجهة المرض".
وتابع خوري: "الوقت كان قصير جدا واشتغلت على الأغنية في 24 ساعة، والحجر بالنسبالي بين البيت والاستديو وعملنا شيء من الاحتفالية بالأطباء والأطقم الطبية، وكتبت الأغنية ولحنتها ونزلنا على الاستديو سجلناها واتذاعت تاني يوم".
واستطرد: "أوقات نحتاج للحجر في حياتنا عشان نبعد عن الضغط ولازم نحول الشيء السيئ لإيجابي إلى حد ما، ولازم الفنان يستمر في عمله حتى لو قاعد في بيته مش بيخرج، والفكرة عندي بتبدأ بكل تفاصيلها وبعدين الحالة الإنسانية هي اللي بتأثر عليا، وفي الظروف دي فيه إنتاج أكتر وتخطيط لأغاني أكثر والناس في حاجة للموسيقى دايما ويمكن مش الأغاني اللي اتعودنا نقدمها عاطفيا لكن لازم الموسيقى تستمر".