كلنا محتاجين بعض.. روشته نصائح من تواضروس للمصريين في ظل جائحة كورونا
البابا تواضروس الثاني .. بابا الإسكندرية وبطريك الكرازة المرقسية
وجه البابا تواضروس الثاني، بابا الإسكندرية وبطريرك الكرازة المرقسية، الشعب المصري بالتمسك بالرجاء والأمل في ظل جائحة فيروس كورونا المستجد "كوفيد19"، مضيفًا: " لازم يكون عندنا أمل في بلدنا وأمل في الزمن اللي إحنا عايشين فيه، لازم يكون عندنا أمل في إن بكرة هيبقى أفضل وأحسن، تجمعنا وقعدتنا في البيت شيء مهم لازم نغير فيها رؤيتنا للحياة".
وأضاف "تواضروس"، خلال حواره في برنامج "رأي عام"، الذي يُعرض على شاشة "TeN"، مع الإعلامي عمرو عبد الحميد، أنه لا يصح القول بأن الجلوس في المنزل أمر ليس لطيف، "محدش يقول جو حلو وجو وحش، ربنا من محبته بيدينا أنواع متعددة من الجو، أنا بحب جو معين، غير مش بيحبه وبيحب جو معين تاني، وهكذا، ولكن لازم قعدتنا في البيت تغير فينا، اسألوا على بعض واهتموا ببعض، ارتبطوا ببعض وخافوا على بعض".
وتابع: "بلاش أنانية، أهم شيء قوة الأسرة، كل ما الأسرة تكون قوية في تربية ولادها كل ما المجتمع كله يكون قوي، لازم ننمي روح الوفاء مع أخويا وأختي ووالدي، احنا نبدأ صفحة جديدة للحياة، كلنا محتاجين بعض، محتاجين أصغر إنسان في أصغر عمل، ومحتاج أكبر إنسان لأكبر عمل، اوعى حد يحقر من إنسان ويقلل من قيمته، أتمنى الخير لبلادنا وولادنا".