محمد هاني مؤدي دور عسكري رشاد بـ"الاختيار": تدربنا كجنود حقيقيين
مؤدي دور عسكري رشاد: تدربنا على كل التفاصيل كجنود حقيقيين
"هي موتة ولا أكتر.. بس يعني مش هاين عليا إني أموت من غير ما حد يحس بيا مش كفاية محسوش بيا وأنا عايش"، كلمات العسكري رشاد التي أثرت في مشاهدي مسلسل الاختيار الذي يجسد حياة البطل الشهيد أحمد صابر منسي، في حوار بينه وبين بطل العمل أمير كرارة.
الدور الذي يعد الأول للفنان محمد هاني، الذي يؤدي دور العسكري رشاد أمام الفنان أمير كرارة، لكنه وعلى قصره الدور إلا أنه أثر به جدا: "أول مرة أقابل أستاذ أمير في المشهد كان استقباله جميل جدا، وكان مبسوط بيا وشجعني وأداني طاقة إيجابية وكمان خلى دكتور بيتر ميمي المخرج يركز معايا".
ويتابع "مهنى" لـ"الوطن": "وكان فريق العمل وقيادات من الجيش يحرصون على أداء كل تفصيلة وكأننا جنود في الجيش بالفعل، بداية من التحية العسكرية لطريقة مسك السلاح التفاصيل حتى الثانوية منها".
وأوضح: "تم ترشيحي من إبراهيم فرج الكاستنيج دايركتور وخيري سالم المخرج المنفذ، أنا طبعا قريت المشهد كويس جدا وذاكرته وحفظته، وبعد كده دخلت للفنان أمير كرارة الكرفان، وعملنا بروفات كتير عليه وأمير كان أول مرة يشوفني وأول تعامل بيني وبينه وافتكر إنه لفلي وقالي إنت شاطر جدا، وخلاني أعمل المشهد وأنا عندي ثقة في نفسي عشان كده طلع حلو لأنه من القليلين اللي بيهتموا بالممثل قبل أي حاجة وبعدها نزلنا على مكان التصوير".
أما عن مشهد "عشان متمسكش في كمين" السبب الذي قال حين سأل "أنت هنا ليه"، ما أضحك المشاهدين يقول: "الرد كان يبدو تلقائي وهو مشهد كان منسي الذي يؤدي دوره أمير كرارة جاي الكتيبة وبيتعرف علينا، وبيعرفنا لنفسه لأن دي اللحظة اللي بيعرفنا إننا داخلين على أيام صعبة، وتدريبات مكثفة عشان نكون مستعدين في أي وقت لأي مهمة وبطبيعة العساكر لما بيتسأل هو داخل الجيش كل واحد عنده رد وسبب مختلف، وأنا بالنسبة لشخصيتي كان الرد قريب جدا ليها إني داخل الجيش حماية عشان محدش يوقفني ف كمين أو يجي جنبي".