وديع والشهيد منسي
حكى رائد بالمعاش محمد وديع عن كواليس شعار "صاعقة اتعملت للرجالة" الذي تردد في مسلسل "الاختيار"، الذي حفر في أذهان المشاهدين، بأنه كتبه عام ٢٠٠٩/٢٠١٠ لفرقة سيل رقم 5 ويهتف به حتى الآن.
وذكر وديع أن: "الشعارات بتتوارث للأجيال وبتفضل تتردد، ومعظم الأجيال الجديدة متعرفش مين اللي كتبها، اللي بيبقى عارف اللي كانوا حوليا"، معبرا عن سعادته البالغة عندما يرى شعاراته وقصائده وأغانيه تتردد على ألسنتهم وتجعله يعود لذكرياته، حيث إن معظم الأغاني الوطنية والقصائد الشعارات التي تردد الآن من تأليفه.
"بتهون علينا ومنحسش بالتعب".. وصف وديع لهذه الهتافات الحماسية، حيث إن فرق الجيش يعتادون على الركض لمسافات طويلة تصل لـ 20 كيلو أو أكثر، فعندما يرددون تلك الشعارات أو الأغاني الوطنية لا يشعرون بالتعب: "لما طلعت معاش في 2016 نزلت الحاجات دي على السوشيال ميديا، وعملت قصيدة "جهاد" لما استشهدوا الأبطال، وعملت كذا حاجة، ولما استشهد الشهيد منسي عملت قالوا إيه علينا دولا وقالوا إيه".
وقال وديع في تصريح خاص لـ "الوطن" إنه في خلال 10 أيام وتحديدا بعد حلقة استشهاد منسي في مسلسل "الاختيار" سيطرح أغنية من كتاباته وتوزيع وألحان أحمد مصطفى نيس، خصيصا له تحت اسم "وقف هنا" وربما يتغير الاسم، ومن المفترض أن يغنيها المطرب أحمد جمال حتى الآن.
وهذا جزء من كلماتها: "وقف هنا وافتح جميع كُتب التاريخ، واكتب وقول أبطال بتعشق أرضها، وتضحى عادى بعمرها وسط الذهول صمت المكان فجر وأدان وصلوا حي على الحياة، نده الوطن لبوا نداه، ضحك العريس علشان عرف اليوم شهادته، أكيد ينول، واحنا مش بتوع حداد، احنا نار تحت الرماد، احنا صخر ميتكسرش، وكل ضربة يزيد ثبات.. منسى حي ميتنسيش، بعد أرضى خلاص مفيش منسى، ١٠٠ مليون يموتوا والبلد دى متنحنيش، الولاد راضيين يموتوا الولاد عاشقين ترابها الولاد واقفين يقاتلوا للى فيها واللى سابها، الولاد حالفين ليمحوا كل من فكر يعادى، كفنى علمك يا بلادى، ربنا أخيراً كتبها، واحنا مش بتوع حداد، احنا نار تحت الرماد، احنا صخر ميتكسرش، وكل ضربة يزيد ثبات، منسى حي ميتنسيش بعد أرضى خلاص مفيش، منسى ١٠٠ مليون يموتوا، والبلد دى متنحنيش".
ويذكر أن أغنية أو نشيد "قالو إيه علينا دولا" ظهرت واشتهرت بصوت وديع، وحصلت على ملايين المشاهدات، حيث إنه عملها بعد استشهاد البطل منسي: "كنت عاملها للقوات المسلحة عشان الناس تجري بيها جوه، فبحاول أخرج طاقات إني نفسي كنت أبقى جنب منسي ساعتها، بس أنا برة، فبحاول أوصل إحساسي وإحساس زملائي، والفكرة إني أقولها بصوتي عشان بنبرة المقاتل، الشعارات دي مش بتتغنى دي بتتردد"، حيث إنه يحاول نقل حالة المقاتل للشعب.
تعليقات الفيسبوك