شوقي: اللي يشتري بحث أو ياخد درس خصوصي كأنه رمى فلوسه في بلاعة
طارق شوقي وزير التربية والتعليم
قال الدكتور طارق شوقي وزير التربية والتعليم والتعليم الفني، إنه خلال آخر 20 أو 30 عاما، حصل تغير ملموس وواضح في اتجاه خاطئ، وهو الاهتمام الفائق بالحصول على الشهادة "ورقة" بأي شكل وأسلوب وثمن.
وأضاف شوقي، خلال مداخلة هاتفية مع الإعلامية سارة حازم مقدمة برنامج "مساء DMC"، عبر شاشة "اكسترا نيوز"، تعليقًا عن إصرار بعض الطلاب وأولياء الأمور على الغش ونقل الأبحاث: "أخاطب أولياء الأمور لو كنتم فعلًا عاوزين مصلحة الأولاد، فالمصلحة ليست في هذه النمرة الخادعة، ولكن المصلحة إن الطفل يكتسب المهارة".
وتابع: "لما طلبنا المشروع كان هدفنا الوقوف على نقاط القوة والضعف، مش هدفنا نديله نمرة، قلنا إننا عاوزينه يجربه ونشوف هو قوي في إيه ومحتاج معونة في إيه".
وواصل: "لما نحرم الطالب من الفرصة دي، بنضحك على نفسنا وبعض وبنضيع فلوسنا، اللي بنروح نجيب بيها بحث لا قيمة له كأني ولعت في الفلوس أو رميتها في البلاعة، ولما نروح درس خصوصي بنعمل نفس الحاجة".
وأردف: "أي محاولة إن أي حد يقنعنا بكده، فهو بيحاول ياخد فلوسنا فقط على حساب تعليم أولادنا، وقلنا ده مرارا وتكرارا".