أديب لأهل إسكندرية: أنا بحبكم وخايف عليكم.. ماتزعلوش مني

قال الإعلامي عمرو أديب، إن بعض أهالي الإسكندرية غضبوا منه، بعدما انفعل بالأمس على الهواء بسبب الزحام الكبير على كورنيش المحافظة.

وقال أديب: "في ناس من أهالي إسكندرية زعلوا مني امبارح ، أنا خايف عليكم، خايف على أهلكم، الوضع مختلف تماما النهاردة، هو ده حق ربنا والصح في وقت الوباء، ضرب الأمور بعرض الحائط ليست سهلة".

وأضاف خلال حلقة اليوم من برنامج "الحكاية"، على قناة "MBC مصر"، أن البعض يتحدى وباءً "إحنا مش قده"، مشددًا على أنه لا يوجد هناك شخص أو دولة استطاعت أن تقف في وجه فيروس كورونا: "ربنا ساترها علينا، إمبارح كان الكورنيش دريم لاند، لكن النهارده كان عقل لاند وحكمة لاند وحرص لاند، ماله الفطار في البيت، الأمور لازم تتاخد بالعقل وأنا أشكر أهل إسكندرية".

وأشار، إلى أن مواجهة فيروس كورونا المستجد ليست سهلة على الإطلاق: "كلنا معرضون للمرض وعم عوض أخد في وشه 33 مواطن".

وتابع، موجهًا حديثه لأهل إسكندرية: "متزعلوش مني، أنا بحب أهل إسكندرية، خايف عليكم، خايف يجي يوم نروح المستشفيات منلاقيش مكان ولا جهاز تنفس ولا سرير عاوز تعمل فينا كده ليه؟، استحملوني، هانت وبانت، الصبر يا اتفسحنا وخرجنا وكلنا على الكورنيش وياما كلنا جمبري وسنجري، هنرجع نعمل ده كله تاني، خلونا نخلص".

• عمرو أديب
• الأسكندرية
• برنامج الحكاية
• مصر
• فيروس كورونا
• عمرو أديب
• الأسكندرية
• برنامج الحكاية
• مصر
• فيروس كورونا