دائما ما تأتي امتحانات الثانوية العامة ويصاحبها الخوف والقلق من الطلاب، وازداد الأمر هذا العام مع تفشي فيروس كورونا، وهو ما دفع بعض نجوم الفن إلى توجيه رسائل دعم ونصائح للطلاب الذي يخوضون مارثون امتحانات الثانوية العامة الذي انطلق أمس.
أحمد زاهر
وقال الفنان أحمد زاهر، في مقطع فيديو عبر حسابه بـ"إنستجرام": "أبنائي فلذات أكبادي طلبة وطالبات الثانوية العامة، مبدئيًا ربنا معاكم وهيعينكم بإذن الله، مساطركم وأقلامكم ومذاكرتكم وكمامتكم وكحولكم، متفكروش في كورونا خالص، عقلكم في راسكم، وخلوا بالكم محدش يقلع الكمامات، مصر كلها بتدعيلكم".
وبطريقة كوميدية، نشر الفنان صلاح عبد الله، عبر حسابه الرسمي بموقع التدوين المصغر "تويتر"، مقطع فيديو من فيلم الثلاثة يشتغلونها، وقال: "ركزوا في القُبة وربنا معاكم ياولادي".
هاني رمزي
وحرص الفنان هاني رمزي، على توجيه رسائل دعم لطلاب الثانوية العامة، قائلاً: "ربنا مع كل طلبة الثانوية العامة، وإن شاء الله الامتحانات تعدي على خير والكل ينجح".
أحمد السعدني
استعاد الفنان أحمد صلاح السعدني، ذكرياته مع امتحانات الثانوية العامة، عبر "فيسبوك" قائلا "أول يوم امتحان ثانوية عامة كان لغة عربية الساعه 9 صباحًا، مدرسة جمال عبد الناصر، صحيت 9 إلا خمسة في بيتنا أحمد عرابي المهندسين، على أمي بتنفضني على السرير زي ما بتنفض السجادة في الشباك، ونزلت بالبيجاما تقريبًا ونزلت معايا ومحضرالي سندوتشات وصلنا المدرسه 9 وربع لقينا البوابة مقفولة، أمي شبكتلي ونطيت من فوق السور على صوت بتاع الأمن بينده عندك يا ابني".
وأضاف السعدني: "عليا سبرنت مو صلاح أو على أيامها ياسر ريان (الجناح الطائر) جري في المدرسة كلها من بتوع بتاع الأمن زي مطاردات سلام يا صاحبي، وصلت اللجنة وبوس أيادي عشان يدخلوني وامتحن، وبعد الامتحان وقفنا عند كشك قدام المدرسة بنسمع شريط عمرو دياب كان لسه نازل أغنية "مش هضعف"، وروحت أمي كانت عاملالي بطاطس محمرة كلتها ونمت".
واختتم: "أمي ما وقفتش عند المدرسة تستناني، والحمدلله نجحت بتفوق، يعني الوقفة بره مش بتفرق، يا والدي ويا والدتي روحوا البيت وادعوا من قلبكوا وإن شاء الله أبنائكم هيتفوقوا زيي ويجيبوا 25 من 50".
أحمد حلمي
ونشر الفنان أحمد حلمي عبر حسابه على "تويتر": مقطع فيديو قال فيه "حبايبي طلاب الثانوية العامة بنين وبنات.. ربنا معاكوا ويوفقكوا وينجحكوا .. وخدوا بالكوا طبعا ومحدش يقلع الكمامة وبلاش تجمعات.. مش عايزين ننجح في الثانويه العامة ونسقط في الكورونا".
حبايبي طلاب الثانويه العامة بنين وبنات .. ربنا معاكوا ويوفقكوا وينجحكوا .. وخدوا بالكوا طبعا ومحدش يقلع الكمامة وبلاش تجمعات .. مش عايزين ننجح في الثانويه العامة ونسقط في الكورونا (سهيله بنت اختي ... شدي حيلك وربنا يوفقك يارب ) pic.twitter.com/bNquBoPJlJ
تعليقات الفيسبوك