يرسم بالايربرش.. صبحي: لا مجال للخطأ ولسنا أقل من الغرب
يرسم بالايربرش.. صبحي: لا مجال للخطأ ولسنا أقل من الغرب
عشق الرسم منذ الصغر، ولكنه أراد أن يكون متميزا بطابع خاص يجعله يختلف عن الآخرين، فأتقن أحمد صبحي فن "إلايربرش" ليستغله كمهنة وهواية في التعبير عما يحبه ومجاراة الأحداث.
أثناء دراسته في المرحلة الابتدائية، اكتشف صبحي، حبه للرسم وبعدها بدأ اكتشاف المجسمات، ومع مرور الوقت واتقانه للعديد من الرسومات قرر الشاب الثلاثيني، أن يتفرغ للرسم، يقول "أخدته مهنة وبدأت اعمل لنفسى أسلوب خاص فى الرسم علشان أبقى مختلف عن اللي حواليا ومبقاش أقل من الرسامين اللي في الغرب وهو أسلوب الرسم بالايربرش اللي هو مسدس الهوا".
ويكشف "صبحي"، عن صعوبة أسلوب الرسم بـ"airbrush"، قائلًا: "بيحتاج تحكم غيرعادي لأن الغلطة فيه بفوره وتعبت لحد ما عملت اسم في مجال الرسم باللمسة المختلفة، بحيث أي حد يشوف شغلي يعرف إنه شغلي من اللمسة.. ومن هنا الرسم بقى كل حياتي وبجانب إنه بقى مهنتي ومكسبي للرزق".
لا يستخدم فرش نهائيًا في رسمه ويعتمد على الرسم بالهوا فقط، يقول "صبحي": "ده طبعا أصعب بمراحل.. وبيحتاج تدريب سنين وتحكم في المسدس علشان الغلطة الواحدة بتعيد الرسمه بالكامل فلا مجال للخطأ علشان كده هو صعب".
منذ عدة أيام وتزامنا مع الهجوم على الفنان يوسف الشريف وانتقاده بعد تصريحه عن المشاهد الساخنة، فكر صبحي، في صنع رسمة له، قائلًا: "رسمتى ليه بعبر فيها عن حبي ودعمي له بسبب الهجوم اللي تعرض له مؤخرا".
https://www.facebook.com/elmir.ahmed/videos/2870337193063931/
استغرق أحمد 7 ساعات في رسم صورة يوسف الشريف، قائلًا: "من الشخصيات المحترمة جدا على المستوى الفني وأنا شخصيًا بحبه جدا".
