مصطفى حفناوي
أثارت وفاة اليوتيوبر الشهير مصطفى حفناوي، إثر إصابته بجلطة في المخ، حالة من الحزن والتعاطف الشديد على مواقع التواصل الاجتماعي، كما دفع العديدون من نشطاء "السوشيال ميديا" إلى التحذير من الحسد، بعدما أرجعوا وفاة حفناوي إليه.
الراحل حفناوي الذي توفي عن عمر ناهز 25 عامًا، كان يشارك تفاصيل من حياته الشخصية ونجاحاته آخر افتتاح "كافيه" مع متابعيه عبر مواقع التواصل الاجتماعي، ما جعل العديدين يبدأون في التحذير من عواقب الحسد.
وقال ناشط عبر "فيسبوك": "متعملوش خطوبات كبيرة.. متنزلوش صور ليكوا في عز فرحتكوا.. متعملوش live من فرحكوا.. متنزلوش صور في honeymoon.. متكتبوش لبعض قصائد حب على facebook.. متصوريش الهدايا اللي بيجبهالك وتنزليها، متصوريش ولادك كتيير وتنزليها كل يوم بلبس جديد ولا في مكان جديد.. بلاش outfit of the day كل يوم".
وأضاف: "بلاش نصائح للبشرة المثالية ونصائح للشعر المثالي وattached.. بيها صور شعرك وبشرتك.. ولا صورة لـbefore and after وتحكي ازاي خسيت الـ100 كيلو.. مكنتش بقتنع بالكلام ده وكنت شايف إنه كبت حرية بس طلع صح !! أنا مش موسوس من الحسد بس العين حق.. العين تدخل القبر زي ما إحنا شايفين.. الناس بتنسى تدعيلك بالبركة.. واحنا بننسى نقول على حاجتنا ما شاء الله.. ده غير القلوب غير السليمة ربنا يعافينا ويعفو عنا".
وقالت أخرى: "أهو مات.. كفاية حسد حرام عليكم كفاية حسد!! قولوا الله أكبر ما شاء الله سموا الله، وادعوا لصاحب النعمة بدوام النعمة".
وعلقت أخرى: "العين تدخل الرجل القبر والجمل القدر في فرق كبير بين موسوس من الحسد وكل حاجة بعلقها عليه وإن فعلا الحسد موجود ومذكور والعين حق الناس نفوسها بقت مريضة جدا جدا وربنا يعافينا جميعا ولا يبتلينا بعيب كرهناه في غيرنا".
وتحدثت أخرى عن الأمر: "الحسد مميت.. ساب الفلوس والعربية والكلاب والكافيهات والمطاعم ساب كل حاجة كنتوا بتحسدوه عليها سابها ومات وسابلكوا معاها قلب أمه بيتقطع حسبي الله ونعم الوكيل في أي حد مش بيقول ما شاء الله وأي حد بيستكتر على غيره صحة أو فرحة أو فلوس أو أي حاجة فعلا العين تدخل الرجل القبر ربنا يرحمك ويجعل مرضك في ميزان حسناتك ويصبر أهلك".
وكان أحمد جبر المعالج الروحاني وصاحب حملة تنظيف المقابر، قال في بث مباشر له عبر حسابه الشخصي على موقع التواصل الاجتماعي "فيسبوك" إن اليوتيوبر مصطفى حفناوي أصيب بالحسد.
وأوضح أحمد جبر، أنه زار حفناوي بالمستشفى الجوي، مضيفا: "مطلعتش من الغرفة غير وأنا متأكد أنه مفيهوش طاقة سحر أو خادم سحر وكمية الحسد اللي في مصطفى خلتني اتخنقت وكنت ببكي وأنا نفسي تعبت من كتر الحسد الموجود في جسمه" على حسب زعمه.
تعليقات الفيسبوك