حمادة صميدة
"الناس بتتنمر عليا وعلى شكلي".. يعاني الفنان حمادة صميدة من الإساءة إليه والسخرية من شكله، وهو ما دفعه للخروج عن صمته معبرا عن حزنه وألمه من تصرفات البشر.
روى "صميدة" مأساته مع التنمر خلال منشور عبر صفحته بموقع "فيسبوك"، قائلا: "أول حاجه بقولها من قلبي ووجعني قوي التنمر، بشوف ناس بتتنمر عليا على أساس أن أنا اللي خلقت شكلي، ده خلقه ربنا وأنا فخور بيه، ولما أجي أتكلم مع حد بيتجاهلني".
واستطرد: "أقسم بالله أنا إنسان وبشر وبحس وتعبان نفسيا من اللي بشوفه أنا عارف إني مش قمر ولا وسيم ولا شكلي حلو، بس بلاش تكسرني وتوجعني، مش عارف لحد أمتى هعامل الناس بطيبه ونيه صافية وأفتكر أن أي حد يتعامل معايا كويس يبقى صاحبي أو صاحبتي، بجد نفسي أفوق وبتفاجئ بجد بناس معرفهاش طريقتهم بتتغير، وناس مصلحجية وناس بتتنمر وكله بيحبً نفسه وبس".
واختتم منشوره بقوله: "نفسي أتغير وأتعامل زيهم لكن للأسف تربيتي عودتني أن مردش لحد اللي بيعملو، أنا نفسي الناس تراعي حاجه اسمها عيش وملح وتبطل نفاق وتبطل قله ذوق، أنا مش عايز حد معايا غير الناس اللي بحبهم وبيحبوني وبس، صحابي اللي بجد اللي عمرهم رغم عدم اهتمامي في أوقات كتير، ما اتخلو عني، لكنهم بيراعوني وواقفين جمبي، أما الباقي أنتو أغراب فترة وبتنتهي تماما أو مصلحه وبتخلص، أيا كان خليكو ف نفسكو بقى ياريت".
وخلال مداخلة هاتفية في برنامج "الحدث اليوم" مع الإعلامي سيد علي، أكد صميدة أنه دائما ما يتجاهل التنمر والأسلوب السيئ، ولكن إذا زاد الأمر عن حده "يصبح الإنسان متعبا نفسيا وداخليا وليس خارجيا".
وهون عليه الإعلامي سيد علي مأساته قليلا، بأنه يأخذ سيئات على كل تصرف سيئ يقترفه الأخرون في حقه، ناصحا إياه بأن يتركهم يفعلون ما يشاءون وأن يقرأ أحاديث النبي (ص)، كما أن الأشخاص الذين يتنمروا عليه ربما يكون هو أفضل عند الله منهم.
ووجه علي رسالة لـ"صميدة" مستعينا بالآية القرآنية "إن أكرمكم عند الله أتقاكم"، وليس شكلا أو جمالا.
تعليقات الفيسبوك