صاحب محل يطبطب على الزباين بتوزيع عجلة هدية
"لكل اللي مالقاش الطبطبة إحنا هنطبطب عليكم بعجلة وجراب موبايل هدية"، عروض مجانية مغرية، قدمها أصحاب محلات الدراجات واكسسوارات الهواتف، وذلك بهدف التسويق وزيادة المبيعات، مستغلين شهرة أغنية "بالبنط العريض"، التي طرحها الفنان الاماراتى حسين الجسمي مؤخراً، واكتسب شهرة كبيرة بين جمهور التواصل الاجتماعي.
داخل أحد محلات الدراجات، بمنطقة مدينة نصر، قام سامح أحمد، صاحب المحل، بتنظيم مسابقة على صفحة الفيسبوك، بأن يقوم المتسابقون بعمل مشاركة للصفحة وإعجاب عليها، وأن يجمع منشوره 40 ألف تعليق، لمدة يومين، ليحصل الفائز على دراجة هدية، نوعها "جوما"، ومقاس 26: "استغليت التريند في التسويق للعجل عشان الناس تشتري وتنتشر ثقافة ركوب العجل بدل المواصلات العامة وزحمتها، خصوصاً في الوقت اللي إحنا فيه ومنتشر فيه وباء كوروناومنها ابسط الناس على ما اقدر بمشاركتي في التريند".
نظم "سامح"، هذه المسابقة منذ يومين، وبالفعل لاقت تفاعلاً كبيراً بين رواد التواصل الاجتماعي: "قدام العجلة اللي أنا بخرجها هدية عشان اسعد بها شخص ده بيزود المبيعات للمكان عندي وبيعمل دعاية كبيرة على السوشيال ميد يا"، مؤكدا أنه سيكرر المسابقة مرة أخرى، في حال استمر "التريند" لفترة طويلة: "مفيش حاجة خسارة ده مكسب للجمهور ومكسب ليا قدام".
شارك في "تريند الطبطبة"، حسام حمدي، صاحب محل اكسسورات هواتف، بمحافظة الإسكندرية، بتوزيع "جراب" موبايل هدية: "أي حد هيشتري اكسسوار للموبايل هياخد جراب هدية أو أي اكسسوار تاني يحبه، وده نوع من الطبطبة، للى مش لاقي حد يجيب له هدية، إحنا في المحل بنحب ندلع الزباين عشان يكونوا مبسوطين".
وفقاً لـ"حسام"، فإنه بهذه الطريقة التسويقية، شارك في التريند وانعش المبيعات داخل المحل: "مفيش صاحب محل بيراعي زباينه وبيروق عليهم بهدية أو يشارك في أي تريند جديد على السوشيال ميديا بيخسر ودي بتبقى فرصة أن المبيعات تزيد".
ويستمر "حسام"، في توزيع هذه الهدايا المجانية، طوال فترة استخدام الجمهور للتريند: "طول ما التريند شغال انا هوزع هدايا مجانية على اللي يشتري من عندي أي حاجة حتى لو بسيطة ودي طبطبة حلوة على زبايني"، ووفقاً لـ"حسام"، فمنذ مشاركته في "التريند"، يوزع أكثر من 5 هدايا مجاناً يومياً.
تعليقات الفيسبوك