القطط
4 قطط صغيرة أعمارها لا تتجاوز الـ50 يوماً، تعيش داخل قفص بلاستيك في أحد شوارع محافظة بني سويف، شريدة دون مأوى بعد أن كان لها منزل دافئ، إلا أن صاحب المنزل أخرجهم بحجة خوفه من أن يكونوا حاملين للفيروسات والأوبئة.
"بابا مش عايزهم في البيت وأنا كنت واخداهم من واحدة صاحبتي مغتربة، وهي سابت البيت ومشيت وللأسف بابا دلوقتي بقى رافض وجود القطط وخايف علينا، فنزلتهم الشارع وبقيت برعاهم من بعيد"، بحسب ياسمين جمال، صاحبة القطط.
وتحرص "ياسمين" على تقديم الطعام والشراب للقطط يومياً، على فترات قريبة: "حطيتها في قفص مفروش بقماش ناعم وبعدين حطيتهم في حديقة وسبت معاها أطباق للأكل وسرنجة عشان أشربهم بيها اللبن وأديهم مضاد حيوي عشان لو في قطة فيهم تعبت أو اتصابت ببرد من الشارع".
وتحاول "ياسمين"، إقناع والدها لإعادة القطط إلى المنزل مرة أخرى، لكنه يصمم على الرفض، وهي لا تتركها وحيداً ودائماً ما تحرص على رعايتها: "لما بنزل من البيت أحطلهم أكل وشرب بكون متعقمة وكمان مكانهم بعقمه وقبل ما أدخل البيت تاني بتعقم كويس قوي".
تبحث "ياسمين"، عن متبنين للقطط، حتى يتم لم شملهم داخل منزل والتمتع بصحة ورعاية جيدة: "طول ما هما في الشارع قلبي واجعني عليهم ونفسي يكون لهم مكان عشان أحس أني مطمنة عليهم بدل ما هم مشردين وبيباتوا في الشارع وغصب عني بابا رافض أني اطلعهم البيت وبحاول مقصرش في حق رعايتهم عشان مشيلش ذنبهم وكل يوم بدور على متبني لهم ومش لاقية"، وبحسب "ياسمين" وتكثف جهودها في البحث، من خلال نشر الصور على الفيسبوك، وتستغيث بأصحاب القلوب الرحيمة من المهتمين بالحيوانات لاستضافتهم.
تعليقات الفيسبوك