مواسير مياه ذات لون أخضر متكدسة حول المباني الخارجية بمنطقة ألماظة بمصر الجديدة، كانت سببا في استياء عدد من أهالي المنطقة نظرا لاعتبارها تشويه لشكل العمارات.
ناجي أبو العطا، أحد سكان منطقة ألماظة، أوضح لـ"الوطن"، أن شركة المياه بدأت في المنطقة ببعض أعمال الصيانة وبدلت المواسير وحولتها إلى خارج العمارات، مضيفا: "قالوا لينا عشان العداد يبقى بره للقراية وإنه لترشيد استهلاك المياه لكن شكل العمارة بقا غير حضاري".
وبخلاف الشكل العام للعمارات، أضاف أبو العطا، أن تواجد عدادات المياه خارج العمارات يعرضها للسرقة بسهولة، بجانب استخدام خامات رديئة.
وعبر موقع التواصل الاجتماعي "فيس بوك"، خرجت العديد من الشكاوي من قبل السكان، وبينها: "لما شركة المياه تحب تبوظ شكل العماير في مصر الجديدة بالمنظر ده، والخامات الي جايبينها من البلاستيك اللي كل شوية تضرب ماسورة بجد.. مين المسؤول عن احتقان ومشاكل كتير في المنطقة عندي ودلوقتي في العمارة عندي الناس منعاهم يعملوا زي المنظر الي في الصورة".
وتنوعت التعليقات على المنشور الخاص بأحد سكان منطقة ألماظة؛ حيث كتب حساب يحمل اسم عبدالفتاح فتحي: "حاجة في منتهى السوء.. طيب كانوا دهنوا الواجهات ورموها ما كدة كدة كان كل شقة قدام مدخل الشقة العداد بتاعها.. واللي مش مركب عداد كان ف طرق كتير يقدروا يتواصلوا معاهم غير المنظر ده".
وفي نهاية أكتوبر الماضي، كشفت شركة مياه الشرب بالقاهرة الكبرى، 6 خطوات، يجب أن يتبعها المشترك لتسجيل قراءات عدادات المياه إلكترونيا عبر التطبيق الإلكتروني "قراءتي"، تجنبا لحدوث أي أخطاء في الفواتير الشهرية نتيجة عدم تمكن المحصل من تسجيل القراءات.
وعليه، يتولى المشرف الفني عمل المعاينة وإحضار آخر قراءة بالعداد والتأكد من صلاحيته وسلامته، ثم سداد الأجور المقررة لتغيير فئة المحاسبة من منزلي لاقتصادي، وتصفية العداد حتى آخر قراءة طبقا للسعر المنزلي وسداد الفواتير المستحقة عن الاشتراك.
تعليقات الفيسبوك