مارون جلاسيه
"عرض المارون جلاسيه بتاع زمان ولفترة محدودة الحق قبل ما يخلص".. منشور على إحدى صفحات المطاعم الشهيرة في وسط البلد يقدم عرضا لكيلو المارون جلاسيه بسعر 1999 بدلا من 2500 أي 500 جنيه تخفيض بمناسبة أعياد رأس السنة.
وليد عشماوي مدير تدريب وتطوير بالمطعم، شرح لـ "الوطن"، أن منذ نشرهم للعرض بالأمس على موقع التواصل الاجتماعي "فيسبوك" وتلقوا العديد من الاتصالات: "والله أعلم هنستمر العرض لـ 7 يناير ولا الكمية هتخلص لأن الطلب عليه عالي جدا وخاصة من ساعة ما نزلنا البوست".
وردا على بعض الانتقادات لارتفاع سعر المارون جلاسيه، حيث علق عدد من مستخدمي مواقع التواصل الاجتماعي بطريقة السخرية والمزاح بـ "مالها رموش الست بـ 60 جنيه"، و"هو البلح الشام أثر معاكم في حاجة"، و"نسيته تحطه الصفر جنب 1999 عشان يبقى رقم تليفون" وغيره قال عشماوي: "لو أي حد بيقول غالي بس شاف السوق هيعرف أننا عاملين عرض جامد، أي مكان من اللي بيبيع مارون هتلاقي سعرنا أقل منه، وأعلى جودة".
واستكمل عشماوي حديثه قائلا: "لأن إحنا مش بنصنعه هنا في ناس بتعملوا من أبو فروة ويعملوا العملية بتاعته، إحنا بقى بنستورده من فرنسا وإحنا بقى اللي بنعمل العملية بتاعت الجلاسيه اللي مشهورين بيها من سنة 1891، لكن بالنسبة للسعر اللي منتقد السعر هيبقى صعب".
وعن طريقة التقديم شرح عشماوي أنه يباع داخل علبة ذهبية ويلف بشكل راقي سواء للاستلام داخل المطعم أو يمكن توصيله للمنازل: "أغلب الناس اللي بيطلبوه بيطلبوه هدايا قيمة لحد وعليه إقبال كبير وعامل شغل كويس"، وعن موسم المارون جلاسيه شرح مدير تدريب وتطوير المطعم أنه في شهر ديسمبر ويناير: "لكن هو موجود طول الوقت بس الشهرين دول اكتر وقت عليه طلب وإحنا بنجيب كميات".
تعليقات الفيسبوك