نظرا للظروف الاقتصادية التي يمر بها المواطنين، المتأثرين بتداعيات فيروس كورونا المستجد «كوفيد 19»، قرر أحمد الشيخ، جزار بمنطقة العشرين التابعة لحي السلام، تدشين مبادرة لتخفيض أسعار اللحوم، إذ بيع الكيلو منها بين 60 و99 جنيها، بهدف تخفيف العبء عن كاهل أهل منطقته وجيارنه، وتنشيط حركة الشراء، مقدما تسهيلات أخرى مميزة.
ضد استغلال الجزارين
بدأ «أحمد» العمل بهذه المبادرة منذ يومين، ردا على استغلال بعض الجزارين، الذين رفعوا الأسعار، دون اعتبار للأزمة الراهنة التى فرضها وباء كورونا: «اللحمة دى بلدى 100%، وكل يوم بدبح جديد وبتخلص فى يومها، الكندوز بـ99 جنيه، والمفروم بـ85 جنيه، والسجق البلدي بـ80 جنيه، والمفروم للحواوشي بـ60 جنيه».
كورونا رجعت بقوة
وتعتبر هذه الأسعار رخيصة مقارنةً بأسعار المحلات الأخرى، إذ يستفيد من هذه المبادرة كل زبائنه سواء من سكان المنطقة أو خارجها: «إحنا داخلين على موجة تانية، والناس هترجع تقفل من تاني، وفيه ناس مش هيبقى لها شغل، فلازم أقف جنبهم وأعمل حاجة، والمبادرة ديه مساعدة مني ليهم، وده واجب عليا في ظروف صعبة زي ديه، وربنا يعدينا منها على خير».
وشهدت مبادرة «الشيخ»، إقبالا كبيرا من السكان، وساهمت في تنشيط حركة البيع والشراء مرة أخرى: «ساعدتهم يشتروا وفرَّحتهم، هما استفادوا وأنا كمان استفدت، والحركة رجعت تدب فى المكان من تانى».
توصيل للمنازل «ببلاش»
يوفر «الشيخ» خدمة توصيل الطلبات إلى المنازل مجانا: «عشان محدش يشيل هم فلوس الدليفري، بدل ما الزباين تخرج وتنزل تشتري وتعمل زحمة سواء في المحل أو الشارع، وده غلط ولازم يكون في تباعد، فأنا عملت خدمة الدليفري، وكمان من غير فلوس، وده جنب المبادرة، والخدمة دي شغالة لحد ما الفيروس يخف في حدة انتشاره مرة تانية».
خدمات أخرى يقدمها جزار السلام، للتسهيل على زبائنه، إذ يوفر خدمة تجهيز اللحم وتتبيله للشواء مباشرةً: «بجهز الكفتة بالتوابل بتاعتها، وبرضه بنفس السعر بـ70 جنيه، ولو عايزين لحمة صحيحة متقطعة ومتبّلة للشوى بجهزها، وكله بنفس الأسعار».
تعليقات الفيسبوك