منذ 6 أيام تعرض اليويتوبر الشهير أحمد حسن و زينب زوجته إلى حادث مروع، حيث احترقت سيارته بشكل مفاجئ إثر تصاعد دخان منها على الطريق الدائري.
وبعد الحادث قال أحمد حسن في مقطع فيديو عبر صفحته الشخصية «الحمد لله لحقنا نفسنا، حسبي الله ونعم الوكيل، فوضت أمري ليك يارب».
ومنذ قليل أعلن أحمد حسن وزينب في بث مباشر عبر صفحته لرسمية بفيسبوك، أنه بعد نجاته وأسرته من الموت المحقق سيبني مسجدا قريبا للغاية شكرا لله على نجاته.
وقال أحمد حسن «الناس اللي بتتهمنا أننا بنألف قصص وإننا حرقنا العربية علشان الفلوس وعلشان يدخلي ملايين، أنا مش هحرق عربية بمليون جنيه مرسيدس ومعايا أهلي وأضرهم، وعايز أقول إن الفيديوهات اللايف اللي حققت ملايين المشاهدات ساعة حريق العربية محققتش ولا مليم، لأن مفيش أرباح من فيسبوك والله».
وتابع اليوتيوبر «بنتي إيلين تعبت بسبب الدخان اللي شمته من العربية، وجايبين لها جهاز تنفس بخار في البيت، لأن الدكتور قال صدرها تعب علشان ساعة الحريق مراتي مرضيتش تمشي، وأن مش هحرق عربية علشان أضر مراتي وبنتي».
وأستطرد «أقسم بالله الحسد مميت وأنا مكنتش أؤمن بأي حسد، وتاني يوم بعد حريق عربيتي كنت رايح علشان أتابع تقرير المعمل الجنائي والتأمين والتقرير المفروض هيطلع بعد كام يوم لقيت مراتي بتقولي بنتي تعبانة جدًا، ولما كشفنا الدكتور قال لازم 8 جلسات بخار لأن صدرها تعب من الدخان اللي شمته».
وتابع «اتقوا الله في الناس وبطلوا تطلعوا شائعات، وفي تقرير معمل جنائي فحص العربية وهيطلع التقرير كمان كام يوم يثبت إيه اللي حصل في العربية، وفي مجموعة من القرارت أخدناها أولًا: هنبني مسجد قريب جدًا بعد الحريق والحسد اللي اتعرضنا ليه، وإن الحمد لله ربنا نجدنا.. في داهية العربية فدا صحتنا وحياتنا وهنتجمع ونصلي في المسجد كلنا».
واختتم أحمد حسن حديثه «تاني قرار أخدناه هنشتري بطاطين ونوزعها على الناس اللي في الشارع، وثالثًا أي حد محتاج مساعدة من أي نوع لو أنا أقدر عليها أقسم بالله ما هتأخر يبعتلي على الصفحة، لأن اللي شاف الموت بعينيه مش باقي على أي حاجة، فالدنيا فانية».
تعليقات الفيسبوك