قرية بالدقهلية تغرق في مياه الصرف.. وأهلها: «مش كفاية علينا الشتا»
قرية بالدقهلية تغرق في مياه الصرف.. وأهلها: «مش كفاية علينا الشتا»
مياه راكدة بين الشوارع وداخل البيت، تفوح منها رائحة كريهة تسيطر على القرية كلها، بسبب حدوث مشكلات في مواسير الصرف الصحي، ما أدى لخروج المياه من المواسير إلى البيوت، وحدوث بعض التشققات في الجدران، وتضرر أهالي قرية شبراويش، التابعة لمدينة أجا في محافظة الدقهلية، ولسان حالهم يقول «مش كفاية علينا المطر؟».
المشكلة في حجم المواسير
يحكي رضا الأشرم، أحد أهالي القرية المتضررين، بأن المشكلة كانت في ضيق حجم مواسير الصرف الصحي القديمة، والآن يحدث تجديدات للمواسير، فتسربت المياه في الشوارع، بل وركدت في بعض البيوت، مما أدى إلى حدوث تشققات في جدران منزله، فضلا عن الرائحة الكارثة الناجمة عن مياه «المجاري»، مضيفا: «المواسير كان اتساعها 6 بوصة وده قليل جدًا في بلد بيعيش فيها 25 ألف شخص، ولما شركة الصرف الصحي اللي شغال بدأوا يشتغلوا إنهم يجددوا المواسير، بدأت المياه تغرق الشوارع وبتوصل للبيوت، وده بيؤدي لمشاكل في جدران الحائط».
العمل بدأ منذ شهر
منذ حوالي شهر، بدأت الشركة المنفذة للمشروع، بالعمل في الشوارع الجانبية، ومعه انقلبت القرية رأسًا على عقب من صعوبة الرائحة، وبحسب «رضا»، فإن المشكلة ستبدأ في التضخم عند العمل في الشوارع الرئيسية والكبيرة.
يقول «رضا»: «دلوقتي إحنا مش عارفين نقعد في بيوتنا من الريحة، ولا قادرين نمشي في الشوارع والدنيا مطر أصلا، فا ده بيزود علينا المشكلة، ده غير إنهم لسه في الشوارع الجانبية الصغيرة، ولما يبدأوا في الشوارع الرئيسية المشكلة هتبقى صعبة جدًا علينا».
الأهالي يطالبون بضرورة حل المشكلة
ويطالب محمد سعد، أحد أهالي القرية بضرورة وجود حل للمشكلة التي يعانون منها، بل ويجب العمل على سرعة حلها قبل أن تتفاخم إلى الأسوأ ويبدأو في الشوارع الكبيرة، إذ يقول: «لازم يكون في حل لأننا مش عارفين نعيش من الريحة اللي مالية الشوارع».
