يأتي شهر رمضان الكريم، وتكثر فيه الأعمال الخيرية والمبادرات الأهلية والفردية، وهو نموذج يتجسد في «صلاح» صاحب سوبر ماركت بمنطقة العشرين التابعة لحي السلام، الذي قرر أن يقدم خصومات على السلع الغذائية بالكامل في أول يوم رمضان، احتفالا بقدوم الشهر المبارك.
صلاح صالح، صاحب المحل، قرر أن يهنئ جيرانه بقدوم شهر رمضان على طريقته الخاصة، بتقديم خصومات على المنتجات كافة: «من صباحية ربنا لحد السحور أول يوم رمضان كل حاجة في المحل هيبقى عليها خصومات، يا إما خصومات النص أو 20%، بس حسب الحاجات اللي هيشتروها، وطبعا في خصومات للناس اللي هتشتري بمبلغ كبير هنزل في الفلوس اللي هيشتروا بها».
بحسب «صلاح»، فتلك هي المرة التي يحتفل بها مع زبائنه وجيرانه بهذه الطريقة بسبب قدوم شهر رمضان، وبسبب احتفال بمحله: «رمضان ده شهر البركة والخير، واللي بعمله دلوقتي ربنا هيردهولي طبعا، وعايز كل الناس في رمضان تفرح وتتبسط بالشهر الكريم اللي معروف عنه إن الناس بتقدم كل اللي عندها».
يضم المحل السلع الغذائية الأساسية التي يحتاجها البيت طوال الشهر بحسب صلاح: «العرض مستمر لكل جيراني وحبايبي ولو حبوا أكرر عروض تاني في رمضان بإذن الله هعملها وهقدمها عشان رمضان بيحب الخير واللمة مع بعض».
وأكد «صلاح» أنّه يستعد بكميات كبيرة من السلع الغذائية لعرضها على الزبائن: «في ناس مستنيّة العروض بتاعتي النهارده بفارغ الصبر، ومن صباحية ربنا الرجل مخفتش في المحل والبيع ما شاء الله على ودنه، بمجرد ما عرفوا إن عندي عروض النهاره في أول يوم رمضان».
وأعلن «صلاح» عن هذه العروض على الجروب الخاص بمنطقته على فيس بوك: «كتبت لكل الناس عشان يشوفوا ويشرفوني ويشتروا اللي هما عايزينه».
تعليقات الفيسبوك