«رابعة وفاطمة» صممتا ملابس إفريقية بلمسة نوبية: «زيك عندنا»
«رابعة وفاطمة» صممتا ملابس إفريقية بلمسة نوبية: «زيك عندنا»
- ملابس أفريقية
- ملابس نوبية
- ملابس أفريقية بلمسة نوبية
- أسوان
- النوبة
- مصممة أزياء
- ملابس أفريقية
- ملابس نوبية
- ملابس أفريقية بلمسة نوبية
- أسوان
- النوبة
- مصممة أزياء
لم تمنعهما العادات النوبية من مواصلة حلمها.. بألوان زاهية ومزركشة، ورسومات فرعونية وتراثية تخطف أنظار كل من يراها، استطاع التوأم «رابعة وفاطمة»، ابنتا النوبة في أسوان، تصميم براند ملابس أفريقية بلمسة نوبية متطورة، تناسب كل الأذواق، وتحافظ على الحضارة والتراث، لحبهما الشديد لبيئتهما.
آلاف الكيلو مترات قطعتها «التوأم» من أسوان إلى القاهرة، لتبدءا أولى خطواتهما نحو تحقيق حلمهما، حتى استطاعا تصميم براند خاص بهما باللغتين العربية والإنجليزية سُمي بالـ« نوبيا-Nubia»: «بنحب تراثنا وحضارتنا وبلدنا الصغيرة في أسوان، مشوفناش في جمال النوبة وطريقة ملابسهم، وكنا بنبقى فرحانين واحنا لابسين الزي النوبي، وكنا بنفصل ملابس لأطفالنا كمان وبنصورهم ونحط على صفحتنا الشخصية على موقع الفيس بوك، فعجب ناس كتير، وطالبونا بأننا نؤسس براند خاص بينا، كان التفكير صعب لكن مكنش مستحيل»، هكذا يلخص التوأم رابعة وفاطمة فاروق، ابنتا النوبة في أسوان، حكايتهما.
لم يكن طريق التوأم سهلاً، وخاصة في توفير الأقمشة العصرية «المودرن»، لكن الصعوبات لم توقفهما نحو تحقيق حلمهما: «ملقيناش القماش في مصر، ودا موقفناش، عافرنا لحد ما عرفنا أنه بيتم استيراده من نيجيريا، فصممنا نكمل طريقنا ونصنع اسمنا على براندنا الخاص، واستوردنا الأقمشة من نيجيريا، وبنستوحي التصميمات من التراث الأفريقي والمصري والنوبي، وبنحاول نخلي الألوان تناسب كل الأذواق، وكمان يكون فيها لمستنا النوبية، في جمال الألوان والتصميمات»، وفق التوأم.
ترك التوأم مسقط رأسيهما لكنهما لم يتخليا عن عاداتهما وتقاليدهما: «قررنا نفتح ورشة في المهندسين بالقاهرة، بنعمل فيها كل تصميماتنا اللي بتحافظ على هويتنا النوبية، وبنقول لكل الشباب والبنات والأطفال احلمك هتلبس أيه وهتلاقي حلمك وزيك عندنا، هتلاقي فيه تنوع وموديلات عصرية هتناسب كل الأعمال والأذواق، والحمدلله في فترة قصيرة خدنا شهرة واسعة، وبنوصل لكل محافظات مصر وبرا مصر كمان».
لاتتمنى الشقيقتان التوأم في أي شئ سوى انهما يصلان للعالمية بالبراند المصري الخاص،« نفسنا البراند يوصل للعالمية، مستوحاه من التراث المصري، علشان كدة نفسنا يلف العالم كله، ويبقى براند مصري عالمي، ونكبر ورشتنا ونوفر فرص عمل للشباب والفتيات ، ونعلمهم وندربهم على تصميم الملابس الأفريقية بلمسة نوبية».
