مقبرة لها 3 أدوار
داخل قرية المناشي الخطيب، التابعة إلى محافظة الفيوم، توجد مقبرة أثارت استغراب ودهشة الزائرين، الذين قاموا بتصويرها، وتداولوا صورها على السوشيال ميديا، فهي مكونة من دورين أعلى الأرض، علاوة على المدفن الأساسي الموجود تحت الأرض، والمخصص لوضع المتوفين، أما الدوران الأول والثاني فمخصصان لجمع العظام.
يقول محمود عبدالعزيز أحد السكان، الذي لاحظ وجود مقبرة لها شكل غريب ومختلف، فقام بتصويرها والاستفسار عنها من خلال حارس المقابر الموجود في المنطقة، قائلا عن المقبرة: «غريبة جدا وعرفت من اللي حواليا إنها مقبرة بدورين طبعا تحت الأرض دي عشان المتوفيين بيدفنوا فيها واستغربت من الأدوار العليا وعرفت أنها مخصصة لجمع العظام بها، وغالبا صحاب المقبرة دي قاصدين إنهم يعملوها بالشكل ده وفي سلم داخلي كمان عشان يطلعوا يحطوا العضم فوق».
وأكد محمود، أنه يتم زيارة المقابر ليس من الداخل، وإنما من الخارج فقط، بالوقوف أمام المدافن وقراءة الفاتحة والدعاء إلى المتوفين.
ويوضح «محمود»: «مستغرب جدا أن المقبرة لها دورين فوق الأرض وبيتحط فيهم ميتين كمان، وده غريب جدا واللي أنا أعرفه أننا بندفن تحت الأرض على الطريقة الشرعية للمسلمين، ويمكن أن ده يكون باب لإنزال الجثث والله اعلم».
ويقول «محمود» إنه قام بنشر صورة لهذه المقابر على موقع التواصل الاجتماعي «فيسبوك» وقد لاقت دهشة واستغراب الكثيرين الذين أكدوا أنهم لأول مرة يرون تصميما للمقابر بهذا الشكل المختلف، وهناك تعليقات كثيرة ومنها «أمال فين الحمام والمطبخ»، «ياعم في أي هيعمل شقه فوق عادي.. ربنا يهدي»، «مستغرب جدًا أول مرة أشوف حاجة زي كده ده ناقص نعلق لها لمبات كمان وكهارب بقى.. دي مبقتش مقابر يا أخوانا إيه اللي الواحد شايفه ده».
تعليقات الفيسبوك