عمرو مصطفى يفتح النار على محمد رمضان: «ماتقحمش اسم مصر في مشاكلك»
عمرو مصطفى ومحمد رمضان
هاجم الفنان عمرو مصطفى، الفنان محمد رمضان، بعد أن ظهر الأخير عبر صفحته الشخصية بـ«إنستجرام»، وأعلن فيها أن الدولة المصرية حجزت على أمواله، دون الكشف عن سبب الحجز، التي ظهرت فيما بعد، أنه حجز إداري بسبب الحكم القضائي الصادر ضده، لدى الطيار الراحل أشرف أبوالسير.
وقال عمرو مصطفى عبر صفحته الرسمية بـ«فيس بوك»: «أنا خُضت مشاكل كتيرة جداً مالهاش قيمة، وفي برنامج العرافة رمضان اللي فات، طلعت وقدمت نصيحة لمحمد رمضان أنه يستفيد بتجربتي ويبطل مشاكل، لكن للأسف النهارده اتفاجئت إنه بيقحم اسم مصر في مشاكله الشخصية، عن طريق محاولة قلب الحقائق، بفيديو يخص مشكلته الشخصية في التحفظ على أمواله.. غير تلميحاته بأن (مصر وأهلها) لو محتاجة فلوسي يتفضلوا أنا جاهز!».
وأضاف: «لا يا رمضان، مصر وأهلها مش في حاجة لفلوسك ولا لفلوس أي حد، بعد إذنك حل مشاكلك الشخصية من غير ما تدخل اسم بلدي في أزماتك، والجمهور المصري اللي انت بتخاطبه بمشكلة شخصية، ده جمهور واعي جداً، وينتمي لمصر أولاً قبل محمد رمضان أو أي فنان آخر (الولاء الأول والأخير لمصر) وأنا كشخص من القوة الناعمة اللي بتمثل مصر، واجبي أني أحذرك من إقحام اسم بلدي في أزماتك، وواجبي أني أغير على بلدي، أنا وأي حد بيحب البلد دي».
كان محمد رمضان، نشر مقطع فيديو عبر صفحته الرسمية على موقع التواصل الاجتماعي «فيس بوك»، قائلًا: «صحيت النهارده على تليفون من البنك بيقول لي الدولة تحفظت على فلوسك، قلت له أنا وفلوسي وبيوتي ولحم أكتافي ملك بلدي وأهل بلدي إيه المشكلة يعني، وبيقولوا لي عشان ماتتحطش في موقف محرج لما آجي أستخدم الفيزا ومالاقيش فلوس.. قلت له الشعبيين اللي زي حالاتي والفلاحين والصعايدة اللي زي حالاتي قد ما بيحطوا في البنك قد ما بيسيبوا في بيوتهم، مستورة.. صباح الخير يا مصر».