رضيع أمام منزل في كفر الشيخ
تجردا من مشاعر الأبوة والأمومة، وملأ قلوبهما الغل والقسوة، وفرطا في بذرة زواجهما وتخلصا من رضيعهما صاحب الـ 3 أشهر بطريقة قاسية ومؤلمة، بتركه أمام إحدى الشقق السكنية في محافظة كفر الشيخ، دون إطعامه ولم يرق أو يحن قلبهما وكأنه قطعة حجر.
تحكي نيرمين رجب صاحبة الشقة التي وضع أمامها الرضيع: «وأنا قاعدة مع أهلي فجأة سمعت صوت طفل صغير مفحوت من العياط قولت ده أكيد حد من عيال عمي الصغيرين وبقرب من باب الشقة الصوت بيقرب أكتر كأنه جوه الشقة لحد ما فتحت ولقيت الطفل مقطع نفسه من العياط ومنظره يوجع القلب وحد طلع لحد الدور التاني قدام شقتنا وحط البيبي وجري من غير ما يسأل فيه ولا يعرف حصل ايه ولا مين الناس اللي حط قدام شقتهم طفل رضيع كده ويسيبه»، ووجدت «نيرمين» الطفل يصرخ ويبكي بشدة ووجه تحول لونه إلى الأحمر بسبب وجوده أمام باب الشقة وحيداً.
وتكمل: «الدي كلم النجدة وللأسف مفيش كاميرات حوالين البيت فمعرفناش مين عمل كدا» وتضيف: «راح بابا وماما مع عربيات الشرطة وفضلوا معاهم لحد ما تم تسليمه لملجأ للأطفال الرضع في كفرالشيخ»، وتتمنى من قلبها أن يعود الطفل إلى أسرته عن قريب: «أنا بقول يارب ميكونش اللي عمل كده أهل الولد ويكون كان مخطوف لأن احنا حطينا صورته على النت ومحدش سأل فيه لحد دلوقتي ولا يعرفوا حاجة عن الطفل».
تعليقات الفيسبوك