اعرف الموعد المناسب لتخزين المانجو: جميع الأصناف متاحة
اعرف الموعد المناسب لتخزين المانجو: جميع الأصناف متاحة
كشف اللواء محمد حسني شرف، رئيس الجهاز التنفيذي لسوق العبور، عن أسعار الخضروات خلال أيام عيد الأضحى، قائلا إنها في متناول الجميع، نظرًا لاعتماد السوق على نظام العرض والطلب، «لما بتكون الكمية زايدة السعر بينزل، ولما بتكون الكمية قليلة السعر بيعلي».
وأضاف «شرف»، خلال مداخلة هاتفية له ببرنامج «هذا الصباح»، والذي تقدمه الإعلامية خلود زهران، والمذاع على فضائية إكسترا نيوز، أن السوق يعمل على مدار 24 ساعة ولا يجرى إغلاقه في فترات الأعياد أو الإجازات الرسمية، وهكذا يعمل طيلة العام، مشيرًا إلى أنه وبالنسبة لأسعار الخضروات المسجلة اليوم، وصل سعر الطماطم لـ1.45 جنيه، والخيار البلدي بـ3 جنيه والبطاطس بـ2 جنيه، والبصل بـ2.5، والكوسة بـ3 جنيه، والجزر بدون عروش بـ2.5 جنيه، الفاصوليا بـ5 جنيه، الباذنجان بـ1 جنيه، الملوخية بـ1.5 جنيه، والبامية بـ7 جنيه.
وبالنسبة لأسعار الفاكهة، قال «شرف» إن جميع أنواع الفاكهة تتواجد في السوق، وبالنسبة للمانجو فوصل سعر الزبدية لـ 13 جنيه، والهندي بـ15 جنيه، والعويس بـ20 والبلدي بـ8 جنيه، والفونس بـ15 جنيه، والجولد بـ8 جنيه، السكري بـ17 جنيه، والصنارة بـ8 جنيه، موضحًا أن كل الأصناف موجودة في السوق، قائلا: «اللي عايز يخزن بعد 15 أغسطس، الكميات ساعتها بتكون كتيرة جدًا والسعر قليل».
وأشار إلى أنه خلال أيام العيد زادت أسعار بعض الخضراوات في الأسواق القطاعي، لزيادة الطلب على الخضراوات والفاكهة، «كل اللي طالع البلد كان عايز ياخدله 5 كراتين، وكل اللي كان طالع الساحل أو يصيف خد كميات كبيرة، وكان فيه إقبال عالي على السوق قبل العيد بـ72 ساعة».
