فاكرين مصر!!

■ فاكرين الحب والعطف بين الناس والحنية! ■ فاكرين الأخلاق والإنسانية! ■ فاكرين كورنيش النيل وإسكندرية! ■ فاكرين جلسة عصارى هادية وكباية شاى بنعناع محلية! ■ فاكرين أيام الحضانة وشهادة الابتدائية واللوح الإردواز والعسلية!! ■ فاكرين مدرسين محترمين ما يعرفوش الدروس ولا المسائل الخصوصية!! ■ فاكرين الغيطان والزرع فى الفجرية! ■ فاكرين ستنا نفيسة وسيدنا الحسين وأم العواجز وفاطمة النبوية! ■ فاكرين النظافة.. ورش الشوارع بالعربية! ■ فاكرين أمنا العذراء مريم والكنيسة وحنانها لأمة البشرية!! ■ فاكرين الشياكة قبل التوك توك وحلاوة والبلطجية!! ■ فاكرين الشهامة وفك الخناقات وترضية الناس قبل البلاهة والفرجة من بعيد والكلام باسم الدين والحكاية كلها أنانية وكنايه وتورية!! ■ فاكرين حرب أكتوبر لما الناس نزلت كلها إيد واحدة تدعى لمصر بالنصر واستجاب ربك لدعوة م القلب خالصة النية!! ■ فاكرين مصر من غير بانجو ومخدرات وكيف وكل يوم 100 ألف ظبطية!! ■ فاكرين لما كان آخرنا بمب الولاد وصواريخ تنور من غير أذية!! ■ فاكرين مصر الجميلة! هى فين! إحنا عايشين فيها؟ ولا عايشه هى فى قلوبنا مخفية! ■ مصر كانت حتضيع مننا فى بلطجة وسلب ونهب ونصب ومظاهرات اسمها آل إيه فقر وحرية.. . وآهى اتنجدت بصدق وحرفنة ومهنية! ■ فاكرين مصر؟