الفنان أحمد زكي
أكثر من 91 عملًا فنيًا قدمها النجم الراحل أحمد زكي ابن مدينة الزقازيق بمحافظة الشرقية، فالفن كان يسري في عروقه مجرى الدم، وكان يمثل بكل كيانه ويتقمص أدوار الشخصيات المختلفة، ليكتب اسمه بحروف من ذهب في ذاكرة السينما والدراما المصرية، بعد أن ساهم النمر الأسود في ترك ميراث فريد من نوعه يظل محفورًا في الأذهان رغم مرور 16 عام على وفاته.
عملاق الفن الراحل، أحمد زكي، تحدث في حوار تليفزيوني نادر مع إحدى القنوات العراقية، عن حياته الشخصية، معتبراً أن غباءه هو سبب فشله في الحياة، وأنه عانى كثيرًا بسبب طبعه وقلة خبرته ونضجه.
يحكي «زكي» أنه تسبب بغبائه في فشل علاقته وزواجه بالفنانة الراحلة هالة فؤاد: «اللي حصل ما بيني وبينها اسمه غباء الحب، وهو أننا بنحب بعض أوي بس مش عارفين نتفاهم، كنت ساعتها صغير ويتيم وعايز أجيب 6 أولاد، أنا ولد بقى وعايز مراتي تقعد في البيت وتخلف عيال كتير وأمارس دور سي السيد».
وأضاف الفنان الراحل في حديثه للقناة العراقية: «هي حبتني وانا كمان حبيتها جدا، بس هي كانت حابة الفن ووافقت انها تسيبه وحسست نفسها بكده علشاني وأنا صدقت في غمرة الحب، وهي كتمت مشاعرها علشان الارتباط ومصارحتنيش وأنا ما أدركتش ده، وكنت مبسوط جدًا بتنازلها وعملت شرط عليها انها تسيب الفن وفي نفس الوقت انا كنت بعمل الحاجة اللي بحبها، هي غلطت انها وافقت وأنا غلطت إني ما ستجبتش لرغبتها وشوفت هي عايزة إيه وقد إيه بتتنازل علشاني».
«لما بيبقى شيء مختفي بين الاتنين، بيحصل قلق، وجه لما حصل هالة ابتدت أنها تفصح عن ده والأسرة اتدخلت، ولما بتاخد جانب من الطرفين بيدمروا العلاقة، وأنا كنت عنيف وهي مكنتش عايزة تعبر وحصلت قفلة أو غباء الحب، وده بيحصل في ناس كتير بتسيب بعض وهما بيحبوا بعض».
محاولات أحمد زكي وهالة فؤاد للرجوع بعد الانفصال لم تتوقف: «خلال 4 سنين انفصال كنا بنحاول نرجع، بس هي ابتدت تشتغل في الفن وبقى أمر واقع وانا طبعًا اتعصبت وقولت أنها واخدها تحدي معايا وبتعاندني، وأنا ندمت بعدين هي ارتبطت واتجوزت، لما حسيت اني خلاص، وأنا برضو دخلت عي علاقة تانية مع بنت جميلة ورائعة وفشلت بسببي وبسبب غباء الحب، والحب المفروض يتسقي من الطرفين وإلا هيتحول لأنانية».
تعليقات الفيسبوك