علياء وفريدة
بعد ساعات قليلة من اكتمال مبلغ الـ60 مليون جنيه، في حساب تبرعات الطفلتين «علياء وفريدة»، قرر عدد من الفنانين دعم الحملة من أجل تجميع المبلغ المتبقي، والذي يبلغ 20 مليون جنيه.
واتبع كل فنان طريقة مختلفة للدعم، إذ توجهت الفنانة نهال عنبر، وتامر شلتوت لمنزل أسرة التوأم «علياء وفريدة»، بينما شارك الفنان حمادة هلال بفيديو له من خارج مصر، وغيرهم من الفنانات.
الفنانة نهال عبنر، أعلنت دعمها لحملة تبرعات للطفلتين التوأم علياء وفريدة مريضتي الضمور العضلي الشوكي، وقالت خلال بث مباشر لـ«الوطن»، إنها سعيدة بالمبلغ الكبير الذي جرى تجميعه، ونفسنا نكمل الباقي النهاردة، وبدعوا جميع المصريين للتكاتف.
«لو كل مصري اتبرع بـ5 جنيهات، هنقدر نجمع المبلغ الباقي، واوعى تفتكروا إن المبلغ قليل، واللي يعرف يدفع أكتر من كدة يتحرك ويتبرع، إحنا في أيام مفترجة وربنا هيكرمنا فيها، أرجوكم محدش يتكسل لبكرة، عاوزين نفرحهم»، بحسب حديث نهال عنبر.
وتابعت: «وأنا بحكي القصة قلبي اتوجع، الوقت الباقي 40 يوم، ياريت نجمع باقي المبلغ، وأنا واثقة تماما في جدعنة المصريين».
بينما قال حمادة هلال، في فيديو جرى تسجيله من خارج مصر، إنه يدعم علياء وفريدة، وقال تامر شلتوت: «مكنتش أعرف يعني إيه المرض ده، وإزاي العلاج يكلف المبلغ ده اللي هو 80 مليون جنيه، بإذن الله ربنا رزقه واسع وكريم».
وأضاف شلتوت «خطوات حلوة حصلت في دعم علياء وفريدة، خاصة زملاء والد علياء اللي اتبرعوا بـ42 جنيه من أجورهم خلال 6 شهور كاملين، 10 آلاف موظف علموا مصر كلها يعني إيه خير، فاضل 20 مليون جنيه، ومينفعش واحد يعيش وواحد لاء».
وتوجه بالشكر لجريدة «الوطن» قائلا «بشكر الوطن المؤسسة المحترمة والموقع المحترم اللي اجتمع معانا في الخير، وبإذن الله هنكمل المبلغ لـ علياء وفريدة».
تعليقات الفيسبوك