محل توزيع تيشرتات للأندنة مجانية
«بشهادة الوفاة فقط» يمكنك الحصول على تيشرت الأندية بشكل مجاني تماما، مبادرة أطلقها أحد المحال التجارية بالسويس خلال شهر رمضان الكريم، لإدخال البهجة على قلوب اليتامى وأسرهم، بتوزيعها عليهم بعد الإطلاع على شهادة الوفاة والميلاد فقط، والتأكد من صحتها.
ظل المحل التجاري يقدم المساعدة على مدار 20 عاما خلال شهر رمضان الكريم، إذ ظلت الفكرة مستمرة حتى بعد وفاة صاحب المحل الذي يدعى علي عبده، ليكمل أولاده المسيرة حتى لا تنقطع، إذ يعمل ابنه يوسف وشقيقته على استكمال مسيرة والدهما الخيرية «المبادرة دى والدي الله يرحمه بيعملها من 20 سنة، ولما اتوفى بقينا بنعملها زيه كل رمضان، خلال العشر الأيام الأخيرة من رمضان، ويتم توزيعها من بعد الإفطار، وهتفضل مستمرة لحد الوقفة، بنبدأ نوزع بعد الفطار على طول، وبنلاقي إقبال كبير جدًا من الأهالي أول ما بيشوفوا المنشور اللي بنزله»
تابعت ابنته: «بيكون فيه إقبال كبير من الأهالي، وبيتم توزيع تيشرتات أندية على اليتامى من 5 لـ12 سنة، بنطلع بس على شهادة الوفاة وشهادة ميلاد الطفل للمصداقية، بنحاول أننا نفرح أكبر قدر ممكن الناس، والتوزيع بيكون مقتصر على منطقة السويس فقط».
«أخويا هو المسئول عن توزيع التيشرتات على الأسر، وبيتوزع تيشرتين على كل طفل، قبل كده كان والدي بيوزع تيشرت واحد بس، بنحاول إننا نفرح أكبر قدر من الأطفال اللي فرحتهم بتكون كبيرة جدا، وده اللي بيخلينا مستمرين ومكملين في اللي بنعمله، بنحاول ننزل بوست على الجروبات المختلفة اللي موجودة للسويس، علشان نوصل لأكبر قدر ممكن من الأشخاص، ربنا يكرم كل ما ربنا يفرجها علينا بنوسع الموضوع أكتر» وفقا لحديثها.
تعليقات الفيسبوك