سوار النجار: إيناس الحسد قتلها.. ولن أترك مَن أذوها

بكلمات مؤثرة، رثت الفنانة سوار النجار، شقيقتها الفنانة الراحلة إيناس النجار، بكلمات مؤثرة عبر ستوري موقع تبادل الفيديوهات والصور إنستجرام.

وكتبت سوار النجار: «ورحمة إيناس وغلاوتك وأنا أول مرة أحلف برحمتك في حياتي، حقك من كل حد اتكلم كلمة مش صح، من كل حد عايز يطلع تريند ويجيب مشاهدات على حسابك، كل حد بيألف قصص وروايات وعايش فيها، كل حد أذاكي وضرك ووجعك، وكان سبب في يوم من الأيام في أذى ليكي، مش هسيب حد أنا ما عنديش حاجة أخسرها أو أخاف منها، وما عنديش أغلى حاجة في عمري وحياتي راحت مني».

وأضافت سوار: «كتير كنتي انتي تتمني لناس الخير وتحبيهم وتعملي عشانهم بس هما ناس مريضة كانت تشوفك تتمنى اللي في إيدك ليهم حسدوكي حسد مميت، أنا حلفت بأغلى حاجة في عمري كله، حقها مش هيروح لآخر يوم في عمري من كل حد عمل حاجة أذيتك يا إيناس».

واختتمت: ربنا يرحمك يا حبيبتي ويغفر لك ويجعلك من أهل الجنة ويجعلك راضية مطمئنة، يا رب نزل علينا الصبر أضعاف.

• سوار النجار
• إيناس النجار
• وفاة إيناس النجار