محمد علي رزق: أحمد السقا فنان كبير بيحتوي اللي حواليه.. وبيتر ميمي شريك نجاح
محمد علي رزق: أحمد السقا فنان كبير بيحتوي اللي حواليه.. وبيتر ميمي شريك نجاح
قال الفنان محمد علي رزق، إن مشاركته في مسلسل الاختيار كانت بمثابة تحقيق حلم فني وإنساني، مؤكدًا أن العمل يُعد ملحمة وطنية حقيقية توثق مرحلة مهمة من تاريخ مصر، ومجرد الظهور به يُعد شرفًا لأي فنان.
المشاركة في الاختيار شرف لأي فنان
وأضاف «رزق»، خلال لقائه ببرنامج «الستات ما يعرفوش يكدبوا»، المذاع على شاشة «سي بي سي»: «أنا لما جالي الدور وافقت على طول حتى لما قالي إن الدور ضيف شرف قلت مش مشكلة لأن دي تجربة ما ينفعش أضيعها، وخصوصًا إن ده مش أول جزء، قبله كان في الاختيار 1 و2، وكنت بتمنى أكون موجود فيهم».
وأوضح أن ردود الأفعال على مشاركته في المسلسل كانت قوية ومؤثرة، قائلاً: «إحنا كنا في الساحل والنت اتقطع، أختي كانت بتدور على المسلسل في أي حتة، الكل بيتكلم عن فات الميعاد، المشهد قلب الدنيا، وأنا بدأت أتفرج عليه حاليًا والحمد لله، نفسي أكمل كل الحلقات»، معربًا عن فخره بالعمل مع النجم أحمد السقا، قائلًا: «ودي مش أول مرة نشتغل مع بعض اشتغلنا قبل كده في هروب اضطراري، وهو إنسان جميل وبني آدم نظيف وبيحتوي اللي حواليه وبيكبر اللي معاه».
بيتر ميمي شريك نجاح
وشدد على أن التعاون مع المخرج بيتر ميمي يحمل طابعًا خاصًا لديه، موضحًا أنه سبق له العمل معه في الأب الروحي وحرب كرموز وكلبش 3، مضيفًا: «بيتر مش بس مخرج متميز، هو كمان شريك نجاح، وبالنسبة لي بيتر والسقا من الناس اللي لما بشتغل معاهم بحس بارتياح واندماج، وكان في انسجام كبير بينا في كواليس المشهد اللي اتعرض».
